एसपी रिपोर्टर
जनकपुरधाम, साउन २१ : हिन्दू नारीहरुले मनाउने महत्वपूर्ण पर्व तीज आउनै लागेको छ । तीज नजिकिएसँगै कलाकारहरुमा पनि व्यस्तता बढ्दै गएको छ । तीजको गीत रेकर्डिङ्ग, सुटिङ्ग, मिक्सिङ्ग सकेर भिडियो सार्वजनिक गर्न अहिले हतारो छ ।
पछिल्लो समय चर्चित गायिका सेलिना कुँवरलाई पनि यतिबेला तीजको रन्कोले राम्रैसँग छोएको छ । उनको ‘यो तीजमा खोज्नु छ मलाई ह्यान्ड्सम पोइ’ बोलको गीतको भिडियो सार्वजनिक भएको छ । बेस म्युजिक नेपाल युटुब च्यानल बाट गीतको भिडियो सार्वजनिक गरिएको हो ।
हेर्नोस गितको भिडियो
चर्चित नायिका अञ्जली अधिकारीले मोडलिङ्ग गरेको उक्त भिडियोको हरेक पक्ष उत्कृष्ट रहेको तथा गायन र शब्द रचना समेत उत्कृष्ट रहेको निर्माण पक्षको दावी छ । उक्त गीतको शब्द रचना अर्जुन पौडेल तथा सङ्गीत सन्तोष राजको रहेको छ ।
भिडियोमा निर्देशन सन्तोष राज, वरिष्ठ क्यामेरा पर्सन ज्ञानेन्द्र शर्माको छायाङ्कन तथा साजसज्जामा अनिताले सघाएकी छिन् । हिन्दू महिलाहरूले मनाउने तीज पर्व भाद्र शुक्ल द्वितीयादेखि पञ्चमीसम्म चार दिन मनाईन्छ । तीजमा भगवान शिवको आराधना गरिनुका साथै नाचगान गर्दै मनोरञ्जन गर्ने परम्परा रहेकाले तिजको गितको पनि आफनै महत्व हुन्छ ।
