महावीरको वार्षिकोत्सवमा दोश्रो दिन क्रिकेट प्रतियोगिता र गुड टच बैड टच सम्बन्धी सचेतनामूलक कार्यक्रम

एसपी रिपोर्टर
जनकपुरधाम, पुस २५ :
महावीर युवा कमिटीको ३३ वार्षिकोत्सवको साप्ताहिक कार्यक्रम अन्तर्गत आज दोश्रो दिन पत्रकारहरुसँग मैत्रिपूर्ण क्रिकेट प्रतियोगिता र लागू औषध विरुद्ध तथा गुड टच बैड टच जनचेतनामूलक कार्यक्रम सम्पन्न भएको छ
कार्यक्रमको पहिलो सत्रमा पत्रकारहरुसँग महावीर युवा कमिटीको भएको क्रिकेट प्रतियोगितामा कमिटीले १ रनले विजयी भएको छ । पहिले ब्याटिङ्ग रोजेका महावीरले १५ ओभरमा ८ विकेट गुमाउंदै १४८ रन बनाएको थियो ।
जवाफी पारी खेल्दै पत्रकारहरुले ४ विकेटको क्षतिमा १४७ रन बनाएको थियो । जनकपुरधामस्थित तिरहुतिया गाछीमा विजय यादवको संयोजकत्वमा सम्पन्न सो मैत्रीपूर्ण प्रतियोगितामा सबैभन्दा बढी पत्रकारहरुको तर्फबाट अविनाश झाले ५६ रन बनाउन सफल भएको थियो ।
दोश्रो सत्रको लागू औषध विरुद्ध तथा गुड टच बैड टच जनचेतनामूलक कार्यक्रममा विद्यालयका विद्यार्थीहरु सहित विभिन्न संघ संस्थाका प्रतिनिधिहरु सहित २५० जनाको सहभागिता रहेको थियो ।
जिल्ला प्रहरी कार्यालयका प्रहरी उपरिक्षक मित्रबन्धु शर्माको प्रमुख आतिथ्यमा सम्पन्न सो जनचेतनामूलक कार्यक्रममा जिल्ला प्रहरी कार्यालय धनुषाका प्रहरी निरिक्षक चन्द्रकला भट्टराई र किशोरी फाउण्डेशन सुधार केन्द्र जनकपुरधामका अजय कुर्मीले सहभागीहरुलाई प्रशिक्षण दिएका थिए ।
त्रिदेव प्रसाद साहको संयोजकत्वमा सम्पन्न सो कार्यक्रममा मिथिला मोन्टेसरी ईग्ंिलश बोर्डिङ्ग स्कूल, हिमालय बोर्डिङ्ग स्कूल र संकट मोचन देवसरण रामरती उच्च माध्यमिक विद्यालयका विद्यार्थीहरुको सहभागिता रहेको थियो ।