एसपी रिपोर्टर
जनकपुरधाम, चैत ३ : फेनिक्स अन्तर कलेज क्रिकेट प्रतियोगिता अन्तरगत मैत्रीपूर्ण खेल सम्पन्न भएको छ । शुक्रबार बाह्रविघा मैदानमा दुईवटा मैत्रीपूर्ण खेल भएको हो । पहिलो खेलमा नेपाल पत्रकार महासंघ धनुषा टिम सात विकेटले आयोजकसँग पराजित भएको छ । टस जितेर ब्याटिङ गरेका पत्रकार टिम निर्धारित २० ओभर खेल्दै सबै विकेट गुमाएर ९८ रनको लक्ष्य आयोजक समक्ष प्रस्तुत गरेका थिए ।
पत्रकार टिमको लागि सन्दिप साहले सार्वधिक ३७ बलमा २८ र राहुल सिंहले १५ रन बनाएका थिए । आयोजकको तर्फबाट अशिश झाले र अकाश पाण्डेले तीन/तीन विकेट लिएका थिए । जवाफी ब्याटिङ गरेका आयोजकले १२ औं ओभरमा तीन विकेट गुमाएर लक्ष्य पुरा गरेका थिए । यस टिमको लागि अकाश पाण्डले सार्वधिक ४३ र अमन यादवले १८ रन बनाएका थिए । पत्रकारको तर्फबाट बलिङ गरेका धनश्याम मिश्राले दुई र संदिप साहले एक विकेट लिएका थिए ।
यस्तै, दोस्रो मैत्रीपूर्ण खेलमा एमबीबीएस चिकित्सकले ४२ रनले दन्त चिकित्सकलाई पराजित गरेका छन् । टस जितेर एमबीबीएस चिकित्सकले ब्याटिङ गरेका थिए । यस टिमले १८ ओभरमा पाँच विकेट गुमाएर एक सय ३४ रन बनाएका थिए । टिमका लागि ब्याटिङ गर्दै डा. जितेन्द्र सिंहले २८ र डा शैलेन्द्रले १४ रन बनाएका थिए । दन्त चिकित्सकको तर्फबाट बलिङ गरेका अमित सिंहले दुई विकेट लिएका थिए । जवाफी ब्याटिङ गरेका दन्त चिकित्सकहरु १५ ओभर चार बलमा सबै विकेट गुमाएर मात्र ९२ रन बनाउन सकेका थिए ।
यस टिमको लागि दोहोरो अंकमा रन कुनै ब्याटस् म्यानले बनाउन सकेनन् । एमबीबीएसको तर्फबाट बलिङ गरेका डा. शैलेन्द्र सिंहले तीन र डा हेमन्तले दुई विकेट लिएका थिए । यस प्रतियोगिताको दुबै सेमिफाइनल खेल शनिबार (आज) हुन लागेको छ । राजर्षि जनक र वीपि मिमोरियलबीच पहिलो सेमिफाइनल हुने छन् भने सोही दिन दोस्रो सेमिफाइनल मोनाष्टिक र श्रीराम कलेजबीच हुने छन् । यी खेलमा विजयी हुने टिम अगामी सोमबार उपाधिको लागि प्रतिस्पर्धा गर्ने छन् ।
