एसपी रिपोर्टर
जनकपुरधाम, वैशाख १५ : जनकपुरधामको विकासका लागि जनकपुरधाम आगमणका बेला भारतिय प्रधानमन्त्री नरेन्द्र मोदीले घोषणा गरेको एकसय करोड सहयोग राशीमा चरम राजनिति भइरहेको नेताहरुकै भाषणले स्पष्ट भएको छ । सोमवार जनकपुरधामको वडा नं. १४ रजौल स्थित प्रस्तावित श्री रामजानकी बहुद्देश्य अन्तराष्ट्रिय रंगशालामा सुरु भएको महेन्द्र नारायण निधी टि–२० राष्ट्रिय क्रिकेट प्रतियोगीताको समुदघाटन गर्दै प्रतिनिधीसभा सांसद कांग्रेसका प्रभावशाली नेता विमलेन्द्र निधीले पनि सो रकममा राजनिति भइरहेको आफुलाई जानकारी हुन आएको भन्दै विस्तृतमा बुझने बताए ।
त्यो पैसा कसैले गोपाल धर्मशाला त कसैले अन्य कुनै धर्मशाला बनाउन खर्च हुनुपर्छ भनेर भनिरहेको मैले पनि सुनेको छु भन्दै पुर्व उपप्रधान तथा गृहमन्त्री समेत रहेका निधीले भने, ‘मैले बुझे अनुसार त्यो पैसा यस रंगशालामा पनि खर्च हुन्छ भनेर निश्चित भएको छैन ढुक्क भएर नबस्नु होला ।’ आफु यसबारेमा बुझने बताउदै उनले यद्यपि रंगशालामै त्यो पैसा भारतले लगानी गर्ने कुराको पनि अहिले सम्म कुनै ग्यारेन्टी नरहेको पनि उनले बताए । उनले आफु मधेशका मुख्यमन्त्रीसंग सो विषयमा कुराकानी गरेको समेत बताए ।
रंगशाला निर्माणमा कुनै पनि दलले नियतको राजनिति गर्न नहुने भन्दै उनले मधेशका सम्पुर्ण दलहरुलाई एकजुट भएर रंगशाला निर्माणमा लाग्न आग्रह गरेका छन् । जचुकालीको क्रिकेट मात्र होइन अहिले पनि नेपालको राष्ट्रिय र अन्तराष्ट्रिय स्तरको खेलाडीहरुमा मधेश प्रदेशको अधिकांश हुने गरेको बताउदै उनले खेलकुद मधेश सरकारको प्राथमिकतामा पर्नुपर्ने बताए ।
राणा शासनको विरुद्वमा जनताको लागि नेपाली कांग्रेसको नेतृत्वमा भएको सशस्त्र क्रान्तिका वेला कांग्रेसले गठन गर्ने गरेको क्रान्तिकारी जनसरकारको पहिलो प्रधानमन्त्री महेन्द्र नारायण निधी रहेको स्मरण गर्दै उनले नेपाल क्रिकेट संघ केन्द्रिय र मधेश प्रदेश समितिले वहाँको नाममा आयोजना गरेको राष्ट्रिय स्तरको प्रतियोगीता जनकपुरधामको खेलकुद विकासको नयाँ आयाम बन्ने उनले बताए ।
कार्यक्रममा मधेश सरकारका शिक्षा तथा समाजिक कल्याण मन्त्री महेश प्रसाद यादव, स्वास्थ्य तथा जनसंख्यामन्त्री विरेन्द्र सिंहले पहिलो मधेश सरकारको कार्यकालमा भौतीक संरचनाको व्यवस्थापन र कोरानाको कहर र व्यवस्थापनमै समय व्यतित भएको भन्दै वर्तमान सरकार खेलकुद क्षेत्रको विकासका लागि तत्पर रहने बताउदै भारत सरकारको सहयोग रंगशालामै सदुपयोग गर्नुपर्ने बताए । जनकपुरधामका मेयर मनोज कुमार साहले भारतिय प्रधानमन्त्रीले घोषणा गरेको सय करोड रंगशालामा सदुपयोग हुने प्रक्रियामा राजनिति गर्नेहरुलाई आफुहरु नछोडने चेतावनी दिएका
क्यानका केन्द्रिय कोषाध्यक्ष रोशन कुमार सिंहले मधेश प्रदेश सरकारले बजेट प्राथमिकतामा खेलकुद क्षेत्रलाई पार्न नसकेको भन्दै दुःख व्यक्त गरेका थिए । क्यान मधेश प्रदेशका अध्यक्ष हिरा भगतको अध्यक्षतामा भएको समुदघाटन समारोहमा जनकपुुरधाम उपमहानगरपालिका उपप्रमुख किशोरी साह, क्यानका प्रतिनिधीहरु सहितकाले आ आफनो धारणा राखेका थिए । प्रथम तिन लाख र दोस्रो हुनेलाई २ लाख राशी पुरस्कार सहित सबै प्रदेशका टिमहरुको सहभागितामा सुरु भएको प्रतियोगीताको समुदघाटन खेल मधेश र कोशी प्रदेश बिच जारी छ । टस जितेर मधेश प्रदेश टिमले क्षेत्ररक्षा राजेपछि कोशीले ब्याटिङ्ग गरिरहेको छ । पहिलो बलमै बोल्ड भइर विकेट गुमाएको कोशीले खराब ब्याटिङ्ग प्रदर्शन गरिरहेको छ ।
