पुरन रौनियार
जनकपुरधाम, बैशाख ३१ : गठबन्धनको मर्म अनुसार मधेश सरकार विस्तार हुन नसक्दा प्रदेशको अगामि निति तथा कार्यक्रम र बजेट समेत प्रभावित बन्दै गएको छ । हाल मधेश सरकारको नेतृत्वकर्ता दल जसपा अध्यक्ष उपेन्द्र यादव प्रतिनिधीसभा सदस्यको उपनिर्वाचनमा बारा २ बाट निर्वाचित भएपछि मधेश दौडाहामा छन जस्ले गठबन्धनको बैठकमा मधेश सरकारको विस्तारको विषय ठोस रुपमा प्रवेश पाउन सकेको छैन ।
जसपा अध्यक्ष उपेन्द्र यादव केहि दिन अगाडि मात्र जनकपुरधाममा दुई दिन बिताए । केहि अन्य कार्यक्रमहरु बाहेक पार्टीको आन्तिरक छलफल र नेताहरु संगको भेटघाटमा अधिकतम समय विताका यादव मुख्यमन्त्री परिवर्तण गर्दा र नगर्दाको अवस्था, अन्य गठबन्धनकारी दलहरुको बटमलाइन र पार्टी नेताहरुको धारणा सहितको विषयमा बुझेको बताइन्छ । मुख्यमन्त्री सरोज कुमार यादवको विषयमा आफनै पार्टीका नेता कार्यक्रता र बुद्विजिवीहरुको धारणा समेत बुझेका यादव काठमाण्डौं पुग्न नसक्दा मधेश सरकार विस्तार वा पुर्नगठन अटकेको छ ।
कांग्रेसका एक नेताका अनुसार आज विहान बालुवाटारमा प्रधानमन्त्रीलाई भेटेर जसपा बाहेका दलहरुले मधेश सरकारको पुर्णता र निश्कर्षका विषयमा विलम्व नगर्न आग्रह् गरेका छन् । सरकार विस्तार हुन नसक्दा जेष्ठको अन्तिम साता ल्याउनुपर्ने निति तथा कार्यक्रम र असारमा आउने बजेट समेत प्रभावित भइरहेको प्रति उनीहरुले प्रधानमन्त्रीको ध्यानाकर्षण गराएका छन् ।
प्रतिउतरमा प्रधानमन्त्री प्रचण्ड जसपा अध्यक्ष काठमाण्डौंमा नरहेकाले आउने वितिकै यस बारेमा निश्कर्षमा पुग्ने आश्वास दिएको ति नेताले एसपी खवरलाई बताए । हामी गठबन्धनका शिर्षनेताहरुले गरेकै निर्णय मान्ने हो, उनले भने, ‘तर छलफल र निश्कर्ष समयमा लाग्यो भने प्रदेशको विकासकै लागि उत्तम हुने भन्ने हाम्रो ध्येय हो ।’ प्रधानमन्त्री प्रचण्डले भोली विहान सम्म मधेश सरकारको निश्कर्ष लगाउने जवाफ दिएको बताइन्छ ।
भित्र भित्रै पाक्दै छ खिचडी
मधेश सरकारको निश्कर्ष कसरी लगाउने भन्ने जिम्मा गठबन्धनले कांग्रेस सभापती शेरबहादुर देउवा, जसपा अध्यक्ष उपेन्द्र यादव र लोसपा अध्यक्ष महन्थ ठाकुरलाई दिएको भएपनि हाल प्रदेश सरकारको नेतृत्वकर्ताको हिसावले यादव निर्णायक मानिन्छ । कसरी अगाडि बढने विषयमा नेता कार्यक्रताको राय बुझन मधेशमा रहेका यादव आज साँझ सम्म काठमाण्डौं फर्किने कार्यक्रम छ ।
यादव तत्काल मुख्यमन्त्री आफै संग राखे पनि त्यसपछि कसलाई जिम्मा लगाउँदा पार्टीलाई दुर्गामी असर गर्दैन भन्ने विषयमा निश्कर्षमा पुग्न नसकिरहेको स्रोतको दावी छ । सरकारको नेतृत्वमा मधेशको दोस्रो ठुलो दल कांग्रेस, चौथो दल जनमत र पाँचौ दल लोसपाको पनि दावी छ । शुक्रवार जनकपुरधाममा आयोजित पत्रकार सम्मेलनमा जसपा अध्यक्ष यादवले पालैपालो मुख्यमन्त्री पाउने सहमती भएको बताएपनि यसपछि पहिला कसलाई दिने र निति तथा कार्यक्रम र बजेटको मोडल कस्तो हुनुपर्नेमा जसपा र कांग्रेस बिच मुख्य विवाद छ ।
लोसपा र जनमतले पनि नेतृत्वमा दावीका साथै तत्काल सम्भव नभए जसपालाई गलाएर मन्त्रीको भागबण्डा र निति तथा कार्यक्रम साथै बजेटमा कांग्रेसको जस्तै आफनो सर्त र अडानहरु अगाडि सारिरहेको छ । जस्ले मधेश सरकार विस्तारमा विलम्व भइरहेको छ । यसवर्ष आर्थिक क्राइसिसका बिच मधेश सरकारले अगामि जेष्ठको २५ गते वा अन्तिम साता निति तथा कार्यक्रम र असार १ गते बजेट घोषणा गर्नुपर्ने प्रावधान छ ।
