एसपी रिपोर्टर
जनकपुरधाम, बैशाख २९ : जनता समाजवादी पार्टी (जसपा) नेपालका अध्यक्ष उपेन्द्र यादवले वर्तमान मधेश सरकार भित्रै कांग्रेस सहितका गठबन्धनकारी वाँकी दलहरु मन्त्री बनेर सरकार परिमार्जन हुने बताएका छन् । जनकपुरधाममा आयोजित पत्रकार सम्मेलनमा प्रतिनिधीसभा सदस्यमा निर्वाचित यादवले तत्काल सरोज कुमार यादव नेतृत्वको वर्तमान मधेश सरकारलाई नै विस्तार गर्नका लागि होमवर्क सुरु भइसकेको बताउदै आलोपालो मुख्यमन्त्री पाउने सहमती भने कार्यान्वयन हुने बताएका छन् ।
उपनिर्वाचनमा कुनै पनि दलहरुसंग कुनै पनि सर्त र सम्झौता नभएको बताउदै यादवले गठबन्धन आवद्व दलहरुको मुख्यमन्त्रीमा दावी हुनु स्वभाविक रहेपनि तत्काल कुनै पनि सम्भावना नरहेको र मधेश सरकारको नेतृत्व परिवर्तणको विषय गठबन्धनमा प्रवेश नपाएको स्पष्ट पारे । गठबन्धन विरुद्वमा उपराष्ट्रपति र उपनिर्वाचनमा उभिएका जनमतको विषयमा निर्णय लिने जिम्मा प्रधानमन्त्री प्रचण्डलाई दिइएको बताउदै उनले गठबन्धनमा बसेर विरोधी गतिविधी गर्नेको विषयमा पुर्नविचार हुन आवश्यक रहेको भने बताए ।
उनले नागरिकता सम्बन्धि विद्ययेक तुरन्त कार्यान्वयन हुनुपर्ने बताए । दुई पटक दुवै संसदबाट पारित विद्ययेक स्वतः कार्यान्वय हुनुपर्नेमा विभिन्न वाहानावाजी हुनु खेदजनक रहेको उनको तर्क थियो । देशका सोझा जनतालाई शरणार्थी बनाएर त्यसमा पनि भ्रष्टाचार हुनु अपराध रहेकाले कठोर छानविन हुनुपर्ने उनको मांग छ ।
संघिय सरकारमा केहि दिनमै मन्त्री पठाउने तयारी पार्टीको रहेको उनको जिकिर छ । मधेश सरकारमा कांग्रेस, लोसपा र जनमतको दावी रहेको र जसपाकै एक समुह सरोज कुमार यादवको विकल्प खोजिरहेको अवस्थामा यादव जनकपुरधाममा पार्टीको आन्तिरक कहल मिलाउन व्यस्त देखिन्छन् ।
