एसपी रिपोर्टर
जनकपुरधाम, बैशाख २८ : लोकतान्त्रिक समाजवादी पार्टी (लोसपा) का अध्यक्ष महन्थ ठाकुरले मधेश प्रदेश सरकारको नेतृत्व समेत परिवर्तण भएर सरकार पुर्नगठन हुनुपर्ने बताएका छन् । जनकपुरधाम विमानस्थलमा पत्रकारहरुसंगको कुराकानीमा अध्यक्ष ठाकुरले गठबन्धनको मर्म अनुसार अन्य प्रदेशहरुमा सरकारको नेतृत्व परिवर्तण भए सरह नै मधेश प्रदेशमा पनि सरकारको नेतृत्व र स्वरुप परिमार्जन हुनुपर्ने बताएका छन् ।
उनले मधेश प्रदेश सरकारको नेतृत्वमा लोसपाको समेत दावी रहने बताएका छन् । गठन्धनको मर्म अनुसार मधेश सरकारको नेतृत्वमा अव लोसपाकै पालो हुनुपर्ने उनको भनाई छ । उपनिर्वाचन अगाडिनै मधेश प्रदेशको सरकारका विषयमा दलहरु बिच सहमती भइसकेको भन्दै उनले त्यसै अनुसार मधेश सरकार परिवर्तण हुने बताए ।
उनले नक्कली भुटानी सर्नार्थी प्रकरणको छानविन भइरहेकाले सबैले सहयोग गर्नुपर्ने बताए । यो सरकार धेरै दिन टिक्दैन भन्ने हल्ला छ नि ? प्रश्नमा उनले आफु भविष्यवाणीकर्ता नभएको प्रतिक्रिया दिए ।
