एसपी रिपोर्टर
जनकपुरधाम चैत १४ : लकडाउन आज चौथो दिन पनि जारी छ । कोरोनाको त्रास रहेपनि लकडाउनलाई हुने खानेहरुले पारिवारिक सदस्यहरु संग बसेर रमाइलो गर्ने अवसरका रुपमा समेत उपयोग गरिरहेका छन् । तर जो दैनिक काम गरेपछि मात्र खान पाँउछ समस्या उनीहरु संग छ । दिनभर काम गरे मात्र साँझ परिवार खान पाउने गरिव ज्यालादारी मजदुर तथा विपन्नहरुलाई कारोनाको त्रास त छदै छ त्यसमाथी दुई छाक के खाने भन्ने पिडा पनि छ । यस्तो अवस्थामा जनकपुरधामका केहि संस्था र युवाहरु सडकमा सहयोगका लागि अगाडि आएका छन् ।
जनकपुरधाम उद्योग बाणिज्य संघका अध्यक्ष ललित कुमार साहको अगुवाईमा होटल व्यवसायी संघ धनुषाका पदाधिकारीहरुले विपदमा जोखिमका बाबजुद समाजमा सुरक्षा कायम गर्न दिन रात खटने गरेका सुरक्षाकर्मी तथा सडकमा भेटने गरेका गरिव विपन्नहरुलाई नास्ता वितरण गरेका छन् । संघका वरिष्ठ उपाध्यक्ष जितेन्द्र प्रसाद साह, उपाध्यक्ष तथा होटल व्यवसायीसंघ अध्यक्ष सुरेन्द्र भण्डारी, होटल व्यवसायी संघका उपाध्यक्ष सन्तोष गुप्ता, होटल व्यवसायी विजय झुनझुनवाला सहितकाले सडकमा भेटेका सुरक्षा कर्मी तथा गरिव विपन्नहरुलाई करिव ४ सय नास्ताको प्याकेट वितरण गरेका हुन । संघका अध्यक्ष ललित साहले कुमार साहले कुनै पनि गरिव विपन्न भोकै बस्ने अवस्था नआओस भन्ने अभिप्रायले आफुहरु त्यस्ता ठाँउहरुमा समेत पुगेर खाजा बाटने गरेको बताए । उनले त्यस्ता विपन्न परिवार भए जानकारी गराउन अपिल समेत गरेका छन् ।
एता असहाय संरक्षण मञ्चका अध्यक्ष बैद्यनाथ साहको टिमले समेत जोखिम उठाएर जनताकोे सुरक्षामा अहोरात खटने गरेका सुरक्षाकर्मीहरुलाई पानी पिलाउनुका साथै मास्क सहितका सुरक्षाका समाग्री वितरण गरिरहेका छन् । यस्ता सहयोगले काम गर्न हौसला प्रदान भइरहेको सुरक्षाकर्मीहरु बताउछन् । मञ्चका अध्यक्ष साहले भोली पर्सी देखि नै गरिव विपन्न परिवारका लागि निशुल्क चामल, दाल, आलु, प्याज सहितका सर समानहरु वितरण गर्नका लागि तयारी गरिरहेको बताए । यस काममा उनलाई सेवक ध्रमेन्द्र साहले समेत सघाइ रहेका छन् ।
त्यसैगरि नेपाल बैैश्य कल्याण महासंघका अध्यक्ष अमरनाथ गुप्ताको अगुवाईमा राष्टिङय बैश्य युवा महासंघको समेत सहयोगमा जनकपुरधामका विभिन्न गरिव विपन्न बस्तीममा पुगेर तयस्ता परिवारहरुलाई तयारी भोजनको प्याकेज उपलब्ध गराउने काम महासंघले गरेको छ । विहिवार करिव १ सय ५० परिवारलाई खाना खुवाएको महासंघ शुक्रवार समेत करिव २ सय परिवारलाई खाना वितरण गर्ने तयारी गरिरहेको राष्टिङय बैश्य युवा महासंघका अध्यक्ष विरेन्द्र साहले बताए । चुनाव जितेका अधिकांश जनप्रतिनिधीहरु घरमा रहेकावेला जोखिम उठाएर पनि गरिव असहायको सेवाका लागि सडकमा आएका सहयोगी हातहरुका कारण जनकपुरधामको गरिमा बढेको छ । आपतका अभावको डरले सताएका गरिव विपन्नहरुलाई पनि केहि आशा भरोसा जागेको छ । सहयोगी हातहरुलाई सलाम ।
भिडियो समाचार
