फाल्गुन, २४ गते ।
जनकपुरधाम : प्रदेश २ का मुख्यमन्त्री लालबाबु राउतले जनकपुरधामलाई पर्यटकलाई देखाउन लायक बनाउन आवयश्क रहेको बताएका छन् ।
शनिवार जानकी नगर स्थित पतञ्जली योग साधना केन्द्र जनकपुरधामद्वारा आयोजित होली मिलन समारोहलाई सम्बोधन गर्दै मुख्यमन्त्री राउतले जनकपुरधाम पर्यटकहरु ठुल ठुला महल र भवन हेर्न नआउने भन्दै मिथिलाको मौलिक कला संस्कृती र कृतीहरुलाई ब्रान्डको रुपमा प्रचार प्रसार गर्न आवयश्क रहेको बताएका छन् ।
मुख्यमन्त्री राउतले योग शिविर छेउमै रहेको जानकी सरोबर, शिव मन्दिर सहितको धार्मिक सम्पदाहरुको समेत सौन्दर्यकरण गर्नुपर्ने भन्दै त्यसका लागि प्रदेश सरकार पहल गर्ने बताए ।
कार्यक्रममा प्रदेशसभा सदस्य परमेश्वर साह, रामअशिष यादव, जानकी मन्दिरका सहायक महन्थ रामरोशन दास बैष्णव, जनकपुरधामका पुर्व मेयर बजरंग प्रसाद साहले होलीको महत्वको विषयमा प्रकाश पारेका थिए । समारोहमा योग शिविरका प्र िशक्षक मनोहर साह, साधक साधिकाहरु, सफाई अभियन्ताहरु वडा नं. ७ का वडा अध्यक्ष जानकी राम साह सहितको उपस्थिती थियो ।
