एसपी रिपोर्टर
जनकपुरधाम, असार १९ : प्रदेश २ सरकारले प्रदेशसभावाट पारित गरेको सञ्चार विद्येयक जनकपुरधाममा जलाइएको छ । पत्रकार विपी साहको नेतृत्वमा सञ्चारकर्मीहरुले सञ्चार विद्येयकमा १० हजार देखि २० हजार सम्म जरिवाना र सञ्चार समाग्री जफतको प्रावधान निरंकुश रहेको भन्दै निरन्तर विद्येयक जलाइरहेका छन् ।
पत्रकार साहका अनुसार नेपालको संविधान भन्दा समेत प्रदेश सरकारको बिधेयक निरंकुश र प्रेस स्वतन्त्रता विरोधी रहेको बताए । उनले नेपालको संविधानमा समेत सञ्चार उपकरण जफत गर्ने अधिकार कसैसंग नरहेको स्मरण गराउदै प्रदेश सरकारले गलत मनशायले यो प्रावधान राखेकाले स्वीकार गर्न नसकिने बताए । जनकपुरधामको जनकचौकमा यस अघि पनि विद्येयक जलाइएको थियो । शुक्रवार पत्रकार साहका आलावा पत्रकार प्रमोद कुमार साह, चन्द्रदेव साह, नयमिक यादव, मनोज मरबैता, शिवेन्द्र रोहिता सहितको सहभागिता थियो ।
