एसपी रिपोर्टर
जनकपुरधाम, असोज १५ : ५१ कुट्टी ७२ कुण्डाको शहर जनकपुरधामको मन्दिरहरुका मुख्य व्यक्ति महन्तहरुको विभिन्न अवैध रुपहरुको एक पछि अर्को खुलासा हुदै गएको छ । जस मध्ये अधिकांशको दोहोरो नागरिकता, विवाहित तथा अवैध सम्बन्धनको विषयमा बेला बखत रहस्य खुल्ने गरेको छ ।

सोहि क्रममा जनकपुरधामका एक मन्दिरका महन्तको नेपाल र भारतको दोहोरो नागरिकता मात्र भेटिएन उनी विवाहित समेत रहेको खुलेको छ । मन्दिरको महन्त ब्रहमचारी हुनुपर्ने मन्यता विपरित जनकपुरधामको वडा नं. ८ स्थित विहार कुण्डको रघुवर कुञ्ज मन्दिरका महन्त राम किशोर झा विवाहित मात्र छैनन उनको दोहोरो नागरिकता पनि समाजिक सञ्जालमा छाएको छ ।

महन्त झाले जनकपुरधाम वडा नं. ८ बाट १७११०२/१६६३ नम्वरको नागरिकता लिएको त्यसै गरि भारत निर्वाचत आयोगबाट उनले एएवाई२४२०२५६ नम्वरको मतदाता परिचय प्राप्त गरेको देखिन्छ । उनकी श्रमती (साधना देवी) पनि रहेको र उनी पनि भारतिय नागरिक रहेको परिचय पत्र देखिएको छ । भारतको बिहार राज्यको मधुवनी जिल्लाको मुरलिया चक ग्राम पञ्चायतमा रामकिशोर झाको घर रहेको छ । उनका पिता हरेराम झा पनि भारतीय नागरिक नै रहेका छन् । 

उनी भन्दा पहिला उनको काका (अविवाहित) सो मन्दिरका महन्त थिए । पछि झाले आफु विवाह नगर्ने सर्तमा मन्दिरको महन्त बनेपनि विवाह गरेको स्थानियको आरोप छ । महन्त झा माथी करिव आठ बिघ्घा अर्वौको जग्गा अवैध रुपमा बेचेर हिनामिना गरेको आरोप पनि स्थानियले लगाएका छन् ।

रामानन्दचौक निवासी युवा अगुवा प्रकाश मिश्रले उनको दुवै देश तर्फको परिचय खुल्ने परिचय पत्र समाजिक सञ्जालमा पोष्ट गरेका छन भने अन्य केहि मिडियामा उनको श्रीमतीको समेत परिचय खुल्ने परिचय पत्र सार्वजानिक भएको छ ।