एसपी रिपोर्टर
जनकपुरधाम, साउन १३ : नेपाल ट्रेड युनियन कांग्रेसको नवनिवर्राचित केन्द्रिय कार्यसमितिका पदाधिकारी तथा सदस्यहरुलाई जनकपुरधाममा स्वागत तथा सम्मान गरिएको छ । नेपाल ट्रेड युनियन कांग्रेस धनुषाले एक कार्यक्रमको आयोजना गरि नव निर्वाचित केन्द्रिय अध्यक्ष योगेन्द्र कुँवर सहित महासचिव, कोषाध्यक्ष सहितका पदाधिकारीहरुलाई सम्मान गरिएको छ ।
नेपाल ट्रेड युनियन कांग्रेस धनुषाका अध्यक्ष महाविर दासको अगुवाईमा पार्टी धनुषा सभापती योगेन्द्र पजियारले सातौ महाधिवेशनबाट नव निर्वाचित केन्द्रिय अध्यक्ष कुँवर, महासचिव अजय कुमार राई र कोषाध्यक्ष संजय दाहाल सहितकालाई सम्मान गरेको छ ।
कार्यक्रममा केन्द्रिय सदस्य उमेश साह, जिसस धनुषाका प्रमुख राजनन्दन, मिथिलेश कर्ण, शिक्षक नेता मेघनाथ यादव, रामस्नेही यादव सहितकाले आ आफनो मन्तब्य राख्दै मधेशको लाइफ लाइन चुरेक्षेत्रको बिनाश अव पनि रोक्न नसकिए मधेश बर्बाद हुने भन्दै सम्बन्धित निकायको ध्यान जानुपर्ने बताए ।
