एसपी रिपोर्टर
जनकपुरधाम, बैशाख २९ : जनकपुरधाम उपमहानगरपालिका वडा नं. ७ जानकी नगर स्थित श्री रामजानकी माध्यमिक विद्यालयमा चारकोठो भवन समुदघाटन भएकै दिन थप बन्न लागेको चारकोठे भवनको शिलान्यास समेत गरिएको छ ।
राष्ट्रपति शैक्षिक सुधार कार्यक्रमबाट प्राप्त ४५ लाख रुपैया बजेटमा बन्न लागेको नयाँ चारकोठे भवनको जनकपुरधाम उपमहानगरपालिकाका प्रमुख मनोज कुमार साह, उपप्रमुख किशोरी साह र वडा अध्यक्ष निरज कुमार साहले गरेका छन् ।
सोहि अवसरमा निर्माण सम्पन्न भएको चारकोठे विद्यालयको शैक्षिक भवनको समुदघाटन समेत भएको छ । निर्माण सम्पन्न भएको भवन विभिन्न शिर्षक र वर्ष गरि ३६ लाखको लागतमा बनेको वडा अध्यक्ष निरज साहले बताए ।
२०५० सालमा स्थापित विद्यालयको स्तरोनतीका लागि आफुहरु अहिले मात्र नभई पहिला देखि नै आफुहरु लागि परेको बताउदै उपमहानगरपालिकाका प्रमुख र उपप्रमुखले विद्यालयको एक ईन्च जग्गा पनि विद्यालयकै नाममा गरिने बताउदै विद्यालयको विकास र संरक्षणका लागि आफुहरु प्रतिवद्व रहेको बताए ।
सो अवसरमा जनकपुरधाम उपमहानगरपालिका वडा नं. ७ नेपाली कांग्रेसका सभापती श्याम प्रसाद साह, युवा नेता संजिव साह टिका, रामबाबु साह, शम्भु साह, नेतृ निलम कर्ण सहित समाजिक अगुवाहरुको उपस्थिती थियो ।
