एसपी रिपोर्टर
जनकपुरधाम, बैशाख १३ : हलवाई समाज सेवा समिति जनकपुरधाम र युवा मञ्चद्वारा दोस्रो चरणको राहत वितरण सम्पन्न भएको छ । विश्वव्यापी महामारीको रुपमा फैलिएको कोरोना भाइरस कोभिड–१९ को कारण नेपालमा महिना दिन भन्दा बढी देखि लकडाउन निरन्तर जारी रहेकाले हलुवाई समाजका कतिपयको अवस्था अभावमय भएकाले त्यसलाई मध्येनजर गर्दै करिव १ सय ३५ घर परिवारलाइ राहत स्वरुप राहत समाग्री वितरण गरिएको छ ।
पसल, व्यापार व्यवसाय बन्द हुदा केहि स्वजातीको आर्थिक स्थिती कमजोर भएर समस्या भएपछि राहत समाग्री वितरण गरिएको छ । यस अघि गत वैशाख ५ गते शनिवार पहिलो चरनमा १०५ परिवारलाई राहत वितरण गरिएको थियो । कोरोना बाट बच्न अपनाइने सावधानीहरु अपनाउदै लकडाउनको पालन गरि विहान १० बजे देखी दिउसो १ः३० बजे सम्म राहत वितरण गरिएको समिती जनकपुरधामका अध्यक्ष उमेश साहले बताए ।
राहत लिन आउनेहरुको लागी साबुन पानीले हात धुने व्यवस्था समेत गरेर प्रति परिवार चामल १२.५ किलो, आलु ५ किला, आटा ५ किला, प्याज २ किलो, नुन २ किलो, राहर दाल २ किला, तेल १ लिटर, स्वायविन ५०० ग्राम र साबुन २ पिस वितरण गरिएको छ ।
