एसपी रिपोर्टर
जनकपुरधाम, फागुन १७ : निर्वाचन आयोगका प्रमुख निर्वाचन आयुक्त दिनेश थपलियाले निर्वाचनमा मात्र निर्वाचन नहुने भन्दै निर्वाचन दैनिक हुने गरेको भएपनि अनुभुति मात्र हुन नसकेको बताएका छन् ।
आयोगद्वारा जनकपुरधाममा आयोजित निर्वाचन सम्पर्क व्यक्तिहरुका लागि अभिमुखिकरण तथा क्षमता अभिवृद्वि सम्बन्धी प्रदेश स्तरीय प्रशिक्षण कार्यक्रममा बोल्दै प्रमुख आयुक्त थपलियाले जनताको सबै भन्दा नजिकको सरकार स्थानिय सरकार रहेकाले निर्वाचन सम्पर्क व्यक्तिहरु स्थानिय सरकारसंग समन्वय गर्नुपर्ने बताएका छन् ।
बुधवार र विहिवार गरि दुई दिवसीय रुपमा आयोजना हुने कार्यक्रममा धनुषाका प्रमुख जिल्ला अधिकारी, जनकपुरधाम उपमहानगरपालिकाका प्रमुख प्रशासकिय अधिकृत रत्नेश शशी, आयोगका सहसचिव सहितको उपस्थिती रहेको छ ।
