एसपी रिपोर्टर
जनकपुरधाम, बैशाख १० : धनुषाको औरहीमा स्थानिय सरकारवाट राहत पाउन नसकेकाहरुलाई राहत वितरण गरिएको छ । केहि दिन अघि औरही नगरपालिकाको वडा नं. २ देउरीमा स्थानिय सरकारले राहत वितरण गरेपनि अभाव भएका धेरै परिवारहरु छुटेको गुनासो बढेपछि स्थानिय समाजसेवीकै सहयोगमा त्यस्ता करिव ३ सय ५० परिवारलाई राहत वितरण गरिएको स्थानिय युवा विश्नु कुमार यादवले बताए ।
यस अघि पटक पटक गाँविसका अध्यक्ष रहिसकेका देवचन्द्र यादवको छोराहरु जितनारायण यादव, हरिनारायण यादवले स्थानियको गुनासो बढेको र धेरै अभाव भएकाहरुलाई समस्या भएकाले स्थानियको नाताले सहयोग गरेको बताए । राहत स्वरुप खाद्यान्न समाग्री १० किलो चामल, २ किलो आलु, १ किलो दाल, नुन, मास्क र साबुन सहितका समानहरु वितरण गरिएको छ । भिडभाड रहेपनि सक्दो समाजिक दुरीको नियम पालना गरि राहत वितरण गरिएको बताइएको छ ।
