एसपी रिपोर्टर
जनकपुरधाम, पुष १५ : जनकपुरधाम स्थित हिमाली इंग्लिस बोर्डिङ स्कूलले विभिन्न कार्यक्रम गरी ३० औँ वार्षिकोत्सव मनाएको छ । वार्षिकोत्सवको अवसरमा शुक्रबार स्कूलले रक्तदान कार्यक्रम गरेको छ । २५ जनाले रक्तदान कार्यक्रम गरेको प्राधानाध्यापक रमेश साहले जानकारी दिनुभएको छ ।
स्कूलले वार्षिकोत्सवको अवसरमा पाँच दिवसीय कार्यक्रम गर्दैछ । पहिलो दिन रक्तदान कार्यक्रम गरेको स्कूले शनिबार सरसफाइ र प्रभातफेरी कार्यक्रम गर्नेछ । त्यस्तै, जानकी विद्धाश्रम र कबिल बालआश्रममा फलफूल वितरण, चौथो दिन विज्ञान प्रदर्शनी र पाँचौ दिन सांस्कृतिक कार्यक्रम गरी वार्षिकोत्सवको समापन हुनेछ ।
कार्यक्रममा जनकपुरधाम कार्यपालिका सदस्य दिपेन्द्र साह, शिक्षक रुपेश आलेलगायत सहभागी भएका थिए ।
