एसपी रिपोर्टर
जनकपुरधाम, पुष ४ : जनकपुरधामको रामानन्द चौक स्थित श्री रामानन्द युवा क्लबले विभिन्न कार्यक्रम गरि वार्षिकोत्सव मनाउने क्रममा आयोजना गरेको रक्तदान कार्यक्रममा कुल ६७ जनाले रक्तदान जिवन दान गरेका छन् । सप्ताहव्यापी कार्यक्रम गरि आफनो ३७ औं वार्षिकोत्सव मनाउने क्रममा क्लवद्वारा गरिएको रक्तदान कार्यक्रममा सो संख्यामा रक्तदान गरिएको छ ।
शनिवार क्लबले सरसफाइ कार्यक्रम गरेको थियो । अव कम्बल वितरण, पुरस्कार वितरण लगायतका कार्यक्रम बाँकी रहेको रामानन्द युवा क्लबका अध्यक्ष मनमोहन साहले जानकारी गराएका छन् ।
मोनाष्टिक स्कुलको माध्यमले ३४ जना द्वारा रक्तदान
जनकपुरधामको प्रतिष्ठित मोनाष्टिक स्कुलले आयोजना गरेको रक्तदान कार्यक्रममा कुल ३४ जनाले रक्तदान गरेका छन् । मोनाष्टिक आवासिय माध्यमिक बिधालयको ३७ औं वार्षिकोत्सबको अवसरमा आयोजित रक्तदान कार्यक्रममा राजकुमार महासेठ, मिलन चाम्लिङ, राकेस श्रेष्ठ, शोभा यादब र आशिष् साह सहित कुल ३४ जनाले रक्तदान गरेको विद्यालयले जनाएको छ ।
विद्यालयका निर्देशक डा.सोनु कुमार साहले प्रत्येक वर्ष जस्तै समाजिक उतरदायित्व निर्वाहका लागि विद्यालयका शिक्षक, कर्मचारी, अभिभावाक र सर्वसाधारणको भव्य उपस्थितिमा ४३ जनाले रक्तदान गरेको बताए ।
