एसपी रिपोर्टर
जनकपुरधाम, भदौ २५ : कलबार समुदायको जातिय संगठन तथा संस्था ब्याहुत सेवा समिति कलबार कुट्टीको अध्यक्षमा फराकिलो मतका साथ श्याम प्रसाद साह निर्वाचित भएका छन् । उनी लोसपाका नेता समेत हुन ।
समितिको अध्यक्ष पदमा उनका विरुद्व डेली एक्सप्रेसका सञ्चालक शंकर साहको उम्मेदवारी परेको थियो । निर्वाचित श्यामले ४ सय ८० मत ल्याउँदा शंकर मात्र १ सय ५४ मत प्राप्त गरेका छन् । शंकर एमाले पार्टी निकट हुन ।
प्रमुख निर्वाचन अधिकृत जितेन्द्र प्रसाद साहले दिएको जानकारी अनुसार समितिको उपाध्यक्षमा संजय प्रसाद साह र महासचिवमा जितेन्द्र कुमार साह निर्विरोध भएका छन् । त्यसै गरि सचिवमा शिव शंकर साह, कोषाध्यक्षमा बजरंग प्रसाद साह विजय भएका छन् । उनीहरुले क्रमश ३९८, ३६५ मत ल्याएका छन् ।
समितिको कार्यकारिणी सदस्यहरुमा केदार साहु ४९८, गणेश कुमार साह ४६२, रामजी साह ३७५ र राजकुमार साह ३४० मतका साथ बिजयी भएका हुन । सदस्यमा गणेशले ल्याएको ४ सय ९८ मत निवार्चनमै सर्वाधिक मत हो । नयाँ नेतृत्व चयन गर्न कुल ६ सय ५८ मत खसेको थियो ।
