एसपी खबर
जनकपुुरधाम, साउन ३१: प्रहरी महानिरीक्षक धिरजप्रताप सिंहले सबै संगठनले कानुनबमोजिम आ-आफ्नो काम गर्नुपर्ने बताउनुभएको छ । जनकपुरधाममा मंगलबार विभिन्न संघसंस्था तथा क्लबहरूले गरेको सम्मान कार्यक्रममा प्रहरी महानिरीक्षक सिंहले यस्तो बताउनुभएको हो । उहाँले सबैले कानुनको पालना गर्नुपर्ने बताउनुभयो ।
कार्यक्रममा महानिरीक्षक सिंहलाई जनकपुरधामका विभिन्न संघसंस्था तथा क्वलहरूका प्रतिनिधिहरूले सम्मान गरेका थिए। समाजसेवी तथा रामानन्द युवा क्लबका संस्थापक अध्यक्ष अमरचन्द्र अनिलले मधेशमा रहेका बेला राम्रो गरेकाले महानिरीक्षक सिंहलाई सम्मान गरेको बताउनुभयो । सिंह १५ महिना डीआईजीका रूपमा मधेश प्रदेशमा कार्यरत रहनुभएको थियो ।
जनकपुरधामका विभिन्न संस्थाहरू श्री गणेश युवा कमिटी, श्री महावीर युवा कमिटी, श्री राम युवा कमिटी, श्री रामानन्द युवा क्लब लगायत १५ संघसंस्था तथा क्लबहरूले महानिरीक्षक सिंहलाई सम्मान गरेका हुन्।
