एसपी रिपोर्टर
जनकपुरधाम, साउन ३० : जनकपुरधाममा टीनएजर चेस बेटल चम्पियनशिप प्रतियोगीता सम्पन्न भएको छ । नव आस्था फाउन्डेसन नेपाल द्वारा आयोजित चम्पियनशिप एडीओभ कन्स्ट्रक्सन एण्ड कन्सल्टेन्सी र रोबोटीच नेपालको संयुक्तमा प्रयासमा सम्पन्न सम्पन्न भएको हो ।
तिनवटा विभिन्न प्रतिस्पर्धामा जनकपुरका विभिन्न स्कूलहरु जस्तै हिमाली इंग्लिश बोर्डिङ्ग स्कूल, प्रकोलीको दामोदर एकेडेमी, होली क्रस हाई स्कूल, ओम् आरसीएस स्कूल, एर्रे इन्टरनेशनल स्कूल सहभागि भएका थिए । चम्पियनशिपमा प्रतेक स्कूल बाट चार जनाविद्यार्थीलाई सहभागी भएका थिए ।
निर्णायक वीर चन्द्र क्रान्ति रहेको चम्पियनशिपमा ओम आरसीएस पहिलो र होली क्रस हाई स्कुल दोस्रो हुन सफल भएका छन् । ओम आरसीएसका पहिलो हुने आयुष राज दुलक र दोस्रो हुने होली क्रस हाई स्कूलका जीत नारायण शाहलाई पुरस्कृत गरिएको छ ।
कार्यक्रमलाई सम्बोधन गर्दै प्रदेशसभा सदस्य परमेश्वर साहले यस्ता प्रितिस्पर्धाहरु सरकारी स्तरबाटै आयोजना हुनुपर्ने बताउदै अहिलेको अवस्थामा यस्ता प्रतियोगिता निजी स्तरबाट भएको खुसी व्यक्त गरेका छन् । राष्ट्रिय मानव अधिकार आयोग जनकपुरधामकी अधिकृत मनमाया राणा मगरले चेस प्रगियोगिताका लागि जनकपुरधाममा पनि पुरस्कार सहितको प्रतियोगिता हुनु आफैंमा गौरवपूर्ण कुरा भएको भन्दै भविष्यमा नेपाली चेसको विकासका लागि यसले थप सहयोग पुग्ने अपेक्षा व्यक्त गरिन ।
चेस बेटल चम्पियनशिपमाका आयोजक तथा नव आस्था फाउन्डेसन नेपालका अध्यक्ष अमर साहले जनकपुरधाममा भएका सम्पूर्ण स्कूलहरुका विद्यार्थीहरुलाई चेस खेल बारे उत्सुकता जगाउन र जस्ले विद्यार्थीहरुको मानशिक शक्तिको समेत मापन हुने भएकाले प्रतियोगीता गरिएको बताए । चेस कन्फिडेन्स लेभल बढाउँने उत्तम खेल समेते रहेको उनले बताए । चम्पियनशिप प्रतियोगितामा प्रोफेसर एण्ड लेक्चरर अशोक साह, दिनेश चन्द्र गुप्ता, दिलीप साह, समसोहदिन
लगायतको उपस्थिति थियो ।
