एसपी रिपोर्टर
जनकपुरधाम, बैशाख ३ : जनकपुरधाम उपमहानगरपालिका वडा नं. ३ का स्थानियवासीहरु वडाका सम्पुर्ण नाकाहरुमा आफै कडाई गरेका छन् । वडामा प्रवेश गर्ने मुख्य सडक र गल्लीहरुमा स्थानियवासीहरु अवरोधक बनाई प्रवेश गर्ने नयाँ मान्छेहरुसंग सोधपुछ गर्न थालिएको छ । वडामा प्रवेश गर्ने आगन्तुकहरुसंग प्रवेशको कारण सहितका विवरण लिएर मात्र प्रवेश गर्न दिइएको छ ।
उता जनकपुरधाम उपमहानगरपालिका वडा नं. १६ कप्लेश्वरमा समेत वडावासीहरुले लकडाउन अवधीभर नयाँ आगन्तुकको प्रवेशमा कडाई गरेको छ । प्रहरीले हुलाकी सडकवाट धनुषाको पुर्वी क्षेत्रमा जानेहरुलाई कडाई गरेपछि वडा नं. १६ को रेल्वे ट्रयाकवाट अनावश्यक आहोर दोहोर हुन थालेकाले कडाई गरिएको बताए । राजपाका केन्द्रिय सदस्य संजय चौधरी सहित वडावासीहरुको सामुहिक निर्णय अनुसार वडाको नाकाहरुमा कडाई गरि प्रवेश गर्ने नयाँ चेहराहरुसंग सोधपुछ गर्न थालिएको छ ।
भारतिय सिमानाकामा समेत अवलोकन र कडाई
भारतसंग सीमा जोडिएको धनुषाको सबै नाकाहरुमा सशस्त्र प्रहरीले कडाई गर्न थालेको छ । कोरोना संक्रमणबाट जोगिन नेपाल भारतको सीमावर्ती क्षेत्रमा शसस्त्र प्रहरी बललाई थप कड़ाईका साथ परिचालन गरिएको छ । धनुषा जिल्लासंगै जोडिएको भारतीय सीमावर्ती क्षेत्रमा २४ औं घण्टा सशस्त्र प्रहरी बल खटाइएको हो । धनुषाको दक्षिणी क्षेत्रको भारतीय नाकामा अहिले ७३ स्थानमा नेपाल सशस्त्र प्रहरीले बेस क्याम्प बनाएर सीमा नाकाको सुरक्षा गरिरहेको छ ।
नेपाल भारतको मुख्य नाकाहरु पूर्ण रूपले बन्द गरेको बेला खुल्ला सीमा नाकाको फाइदा उठाउँदै राता रात केही भारत बस्ने नेपालीहरु तथा भारतिय पनि चौरीको बोटो हुदै प्रवेश गर्ने सम्भानवालाई निस्तेज गर्न अहिले २४ औं घण्टा गस्ती परिचालन गरिएको शसस्त्र प्रहरी बल धनुषाका प्रमुख प्रहरी उपरीक्षक राजेश उप्रेतीले जानकारी दिनुभयो ।
