एसपी रिपोर्टर
जनकपुरधाम, बैशाख १ : धनुषा क्षेत्र नं. १ (क) का प्रदेशसभा सदस्य किशोरी साह कमलले क्षेत्रमा राहतवाट बञ्चित यर्थात गरिव विपन्नहरु बारे पुर्नविचार गरि पुनः राहत वितरणको व्यवस्था मिलाउन पालिकाहरुलाई आग्रह गरेको छ । नयाँ वर्षको अवसरमा सोमवार एक शुभकामना सन्देश सहितको विज्ञप्ती जारी गर्दै कमलले क्षेत्रमा राहत वितरण बारे आएको जनगुनासोलाई सम्बोधन गर्न समेत स्थानिय सरकारलाई आग्रह गरेको छ ।
कमलले स्थानिय सरकार र जनप्रतिनिधीवाट समेत गुनासो सम्बोधन नभए आफुलाई समेत जानकारी गराउन आग्रह गर्दै अभाव भएकाहरुलाई राहत वितरणमा कुनै कसर वाँकी नराख्न समेत पालिकाहरुलाई आग्रह गरेका छन् । नयाँ वर्षको अवसरमा क्षेत्रवासी तथा देशवासीका साथै देश विदेश बस्ने सम्पुर्ण नेपालीहरुमा मंगलमय शुभकामना व्यक्त गर्दै सांसद कमलले कोरोनावाट बच्न सुरक्षित र सचेत रहन आग्रह समेत गरेका छन् । जोखिमको यस घरिमा सुरक्षित र सचेत भइ लकडाउनको पालना गर्नुको विकल्प नरहेको समेत उनले बताएका छन् ।
सांसद कमलद्वारा जारी शुभकामना सहितको प्रेस विज्ञप्तीको पुर्णपाठ
प्रदेशसभा सदस्य किशोरी साह (कमल)को सचिवालय
श्री स्थानिय पालिकाहरु मिति : २०७७/०१/०१
प्रेस विज्ञप्ती तथा शुभकामना सन्देश
कोरोना भाइरस नियन्त्रणका लागि सरकारद्वारा गरिएको लकडाउनका कारण विपन्न, गरिव परिवारलाई अप्ठयारो परेकाले तत्काल जिवनयापन गर्न स्थानिय पालिकाहरु मार्फत भएको राहत वितरण लक्षित व्यक्ति वा परिवार सम्म पुग्न नसकेको जन गुनासो बढेको प्रति ध्यानाकर्षण भएको छ । यस विषयमा स्थानिय पालिकाहरुलाई ध्यानाकर्षण गराउदै राहत वितरणमा देखिएको जन गुनासोलाई सम्बन्धित वडाको अध्यक्ष र पालिका प्रमुखलाई समस्या समाधान गर्न आग्रह गर्दछु ।
यसका साथै राहत संग सम्बन्धित सरोकारवाला पिडितहरुलाई जानकारी गराउन चाहन्छु कि आफनो गुनासो वडा अध्यक्ष र पालिका प्रमुखलाई जानकारी गराउनु होला र त्यहाँवाट समस्या समाधान हुन नसकेको खण्डमा मलाई समेत जानकारी गराउन हुन सम्बन्धित सवैमा अनुरोध छ । र राहतवाट बञ्चित विपन्न र गरिव तथा अभाव भएका जोसुकै लाई पनि पुनः राहतको वितरणको व्यवस्था मिलाउन समेत स्थानिय सरकारलाई आग्रह गर्दछु ।
कोरोना भाइरस महामारीवाट बच्न सरकारद्वारा गरिएको लकडाउनलाई सफल बनाउनुको विकल्प नरहेकाले आफनो सुरक्षा सम्बन्धि नियम पालना गर्नका साथै नेपाल सरकार र विश्व स्वास्थ्य संगठनको सम्पुर्ण नियम पालना गर्न सवै जनसमुदायमा आग्रह गर्दछु ।
यस जोखिमका बिच नयाँ वर्ष २०७७ को आगमन समेत भएको छ । तसर्थ नयाँ वर्षको शुभ अवसरमा सम्पुर्ण क्षेत्रवासीका साथै नेपाली दाजुभाई तथा दिदीवहिनीहरुको सुख, शुस्वास्थ्य, स्मृद्धि तथा दिर्घायुको लागि हार्दिक मंगलमय शुभकामना व्यक्त गर्दछु ।
प्रदेशसभा सदस्य
किशोरी साह (कमल)
धनुषा क्षेत्र नं. १ (क)
