एसपी रिपोर्टर
जनकपुरधाम, बैशाख १ : वर्ष २०७६ को अन्तिम दिन चैत ३० गते आईतवार अहिले सम्म संक्रमण नदिएको प्रदेश २ मा एकै पटक विरामी भेटेपछि प्रदेश २ त्रसित भयो । कोरोना संक्रमित तिनजना एक मस्जिदवाट लुकेको अवस्थामा नियन्त्रणमा लिए पछि डराएको प्रदेश २ को मुख्यमन्त्री लालबाबु राउत सोमवार बैशाख १ गते नयाँ वर्षको भिडियो शुभकामना सन्देश जारी गर्दै अव प्रदेशमा थप संक्रमित नभेटोस भन्ने कामना गरेकै दिन सोमवार पुनः एक जना संक्रमित थपिएको छ ।
रौतहटको इशनाथ नगरपालिकाको एक १९ वर्षिय युवकमा कोरोना संक्रमणको पुष्टी भएपछि प्रदेश २ मा चौथो र देशमा १४ औं संक्रमित थपिएको छ । यस भारतिय सिमानाकासंग जोडिएको प्रदेश २ मा संक्रमणको जोखिम र त्रास बढेको छ । नगरपालिकाको क्वारेन्टाईनमा रहेको एक १९ बर्षिय युवकमा कोरोना पोजिटिभ देखिएको रौतहटका प्रमुख जिल्ला अधिकारी (सिडिओ) बासुदेव घिमिरेले जानकारी गराएका छन् । भारतको दिल्लीबाट आएका ती युवक नगरपालिकाको क्वारेन्टाईनमा बसेका थिए भने स्वाब परिक्षणपछि कोरोना पोजिटिभ पाइएको उनले बताए ।
सिडिओ घिमिरेका अनुसार युवकको परिवारमा बाबुआमा, श्रीमति र दुई भाई र एक बहिनी रहेका छन् । जानकारी अनुसार श्रीमति माइतमा रहेकी छन् भने उनी घर आउँदा परिवारसँग बसेका थिए । बाहिरबाट आउनेलाई अनिवार्य रुपमा क्वारेन्टाईनमा राख्नुपर्ने सरकारले लगाएको प्रावधान अनुसार उनलाई क्वारेन्टाइनमा राखिएको थियो । आज उनको रिपोर्ट पोजिटिभ आएको हो । नेपालमा अहिलेसम्म ५ हजार ६ सय ९१ जनाको स्वाब परीक्षण गरिएको छ । नेपालमा १ सय ३ जनालाई अहिले पनि आइशोलेसनमा छन् ।
बिरगंजमा पनि पिसिआर मेशिन र छिट्टै राजविराजमा
नयाँ वर्षको अवसरमा जारी भिडियो शुभकामना सन्देशमा मुख्यमन्त्री राउतले प्रदेश २ मा देखिएको संक्रमणले प्रदेशमा झनै त्रास बढेको भन्दै मंगलवार देखिनै बिरगंजवाट पनि कोरोना संक्रमणको परिक्षण हुन सुरु हुने बताए । पिसिआर मेशिन जडान गरि मंगलवार देखिनै र एक साता भित्र सप्तरीको राजविराजमा समेत परिक्षणको थाली गर्ने उनले बताए । साथै महोतरीको जलेश्वर र बाराको कलैया स्थित अस्पताललाई समेत कोरोना अस्पतालको रुपमा सेवा प्रवाह गर्न लगाउने बताए ।
प्रदेश २ का जनता झनै सचेत हुने अवस्था आएको बताउदै मुख्यमन्त्री राउतले संवेदनशिल समयमा सचेत बनेर सहयोग गर्न आग्रह गरेका छन् । देश विदेशमा रहेका सम्पुर्ण प्रदेश र देशवासी नेपालीहरुमा मंगलमय शुभकामना व्यक्त गर्दै राउतले आ–आफनो ठाउँवाट जिम्मेवार भई गम्भिरताका साथ जोखिम नियन्त्रणका लागि आफनो भुमिका निर्वाह गर्न समेत उनको आग्रह छ । प्रदेश सरकार आफुले भ्याए सम्म सक्दो लागेको बताउदै मुख्यमन्त्री राउतले सवैको सहयोग आवयश्क रहेको समेत बताए ।
मुख्यमन्त्री राउतको भिडियो शुभकामना सन्देश