एसपी रिपोर्टर
जनकपुरधाम, चैत २१ : नेकपाका प्रदेशसभा सदस्य किशोरी साह कमलले आफनो एक महिनाको तलव राहतकोषमा प्रदान गरेको छ । नकेपाले आफना सवै प्रदेश सांसदको दश दिनको तलव राहतकोषमा दिने निर्णय यस अघिनै गरेका थिए । प्रदेश सांसद कमल एसपी खवरसंग कुराकानी गर्दै पार्टीले दश दिनको निर्णय गरेपनि आफुले एक महिनाको तलव दिने बताए । पार्टीको निर्णय अनुसार १० दिन र त्यसमा अत्तिरिक्त २० दिन थप गरि आफनो तलववाट एक महिनाको रकम कोषमा जम्मा गर्न सचिवालयको निर्णय सहितको पत्र प्रदेशसभा सचिवालयमा पठाएको समेत सांसद साहले बताए । सांसद कमलले कतिपयले जनप्रतिनिधीहरु क्षेत्रमा नआएको गुनासो गरिरहेको सन्दर्भमा जनप्रतिनिधीहरु क्षेत्रमा गए भिडभाड बढने र भिडभाड गर्नु कानुन विपरित र सरकारको निर्णय विपरित हुने भएकाले अन्यथा नलिन आग्रह गरेका छन् । क्षेत्रमा त्यसतै कुनै समस्या र अपठेरा भए जानकारी गराउन समेत उनले सुझाव दिएका छन् ।
नियम विपरित आवास खर्च पनि लिदैनन सांसद कमल
यती मात्र होइन एसपी खवरले प्रदेशसभा सचिवालयवाट जानकारी लिने क्रममा बुझे अनुसार जनकपुरधाममा घर भएपनि आवास वापतको खर्च रकम २० जना सांसदहरु लिने गरेकोमा सांसद कमलले अहिले सम्म घर भाडाँ वापतको कुनै पनि रकम बुझेका छैनन । सांसदहरु आवास खर्च वापत कर काटेर १५ हजार प्रति महिना बुझने गरेको बताइन्छ । संघिय सरकारको परिपत्र अनुसार प्रदेशसभा सचिवालयको १५ किलो मिटर परिधि भित्र घर भएका सांसदहरु आवास सुविधा नपाउने नियम छ । सांसद कमलको घर पिडारीचौकमा छ ।
