एसपी रिपोर्टर
जनकपुरधाम, चैत २० : कोरोना भाइरस (कोभिड १९) का कारण लकडाउनमा अभाव झेलिरहेको अति विपन्न तथा दलित परिवारहरु चुनाव जितेका नेताहरु खोजिरहेका छन तर तिनिहरुको दर्शन दुर्लभ छ । आज यिनिहरुमा अलिकती पनि आशा पलाएको त्यसको कारणको यहाँका समाजसेवी र सहयोगी हातहरु । जनकपुरधाममा दैनिक विभिन्न सहयोगहरु भइरहेको छ जस्मा केहि वडा अध्यक्ष वाहेक सवै समाजसेवी र अभियन्ताहरुको सक्रियता छ ।
देशव्यापी लकडाउनका कारण समस्यामा परेका अति विपन्न नागरिकलाई राहतस्वरुप खाद्यान्न सामग्री वितरण गर्ने क्रममा युवा व्यापारी प्रमोद साह अध्यक्ष रहेको जनकपुरधाम अटो मोबाईल डिलर एशोसिएसन समेत अगाडि आएका छन् । एशोसिएशनले जनकपुरधाम वडा नं. ७ जानकीनगर का गरिव विपन्न परिवार करिव १ सय ५० परिवारका लागि चालम १० किलो, आल ५ किलो, दाल सहितका खाद्यान्न समाग्री र मास्क सावुन सहितको प्याकेज वितरण गरेको छ । महामारीका बेला गरिव विपन्न परिवारहरुलाई समस्या रहेकाले सक्दो सहयोग गरेको अध्यक्ष साहले बताए । यस कार्यमा अहिले सक्रिय रहेका वडा अध्यक्ष जानकीराम साहको समन्वय सहकार्य र सहजीकरण रहेको छ ।
साथै उनले जनकपुरधाम वडा नं. १ मा गरिव विपन्नका लागि जारी खाना वितरणको शुक्रवारको सम्पुर्ण खर्च एशोसिएशनले बेर्होने समेत बताएको छ । वडा अध्यक्ष सत्रुधन साहको आग्रहमा शुक्रवार एक दिनको खाना खर्च एशोसिएशनले दिने अध्यक्ष साहले बताए । सहयोग गरेर आफुहरुलाई खुसी लागको समेत उनले बताए ।
अर्थ क्लिन ग्रीन फाउन्डेशनको सहयोग
यस परिस्थितिमा पनि अर्थ क्लिन ग्रीन फाउन्डेसनले कोरोना उपचारमा खटिएका चिकित्सकको निम्ति स्वास्थ समाग्रीहरुको जोहो गरि दिएको छ । कोरोना महामारी संक्रमणबाट बच्ने प्रोटेक्शन कीट, हैन्ड सेनिटाईजर, सर्जिकल मास्क, सर्जिकल ग्लव्स, सर्जिकल कैप लगायतका सर–सामग्री वितरण गरिएको छ । दिपु ठाकुर, राघबेन्द्र पाण्डे, अभिराम ठाकुर सहितको समूहद्वारा धनुषाका प्रमुख जिल्ला अधिकारी, धनुषा प्रहरी प्रमुख एसपि, शस्त्र प्रहरी वल, जनकपुरधाम उपमहानगरपालिका सहित सेवा प्रदायक संस्थाहरुलाई स्वास्थ समाग्री वितरण गरिएको छ भने आम नागरिकलाई मास्क बितरण गरिएको बताइएको छ । साथै महोतरीको जलेश्वर अस्पतालको चिकित्सकका लागि समेत समाग्री पठाइएको संस्थाका दिपु ठाकुर बताए ।
जनकपुरधाम वाड नं. ४ स्थित रहेको संस्थाले नगरको सफाई र आफ्नै ल्यान्ड फिल्ड साइटमा जनकपुरधामको फोहरमैला ब्यबस्थापन गर्दै आएको राधबेन्द्र पाण्डेले बताए । संस्थाका अभिराम ठाकुरका अनुसार सुरक्षा समाग्रीहरु अभाव विश्वमै रहेकावेला संस्थाले बिरगंज, धनुषा, महोत्तरी, सर्लाही र सिरहाका चिकित्सकहरुलाइ सो सर समान वितरण गरेको हो । जस क्रममा प्रदेशिक अस्पताल जनकपुरधाम, सर्लाहीको लालबन्दी, महोतरीको भंगहा नगरपालिका, पिपरा गाउपालिका, जलेश्वर, सिरहा, शहिद नगरपालिका सहितकोमा सर समानहरु वितरण गरिएको छ ।
युवा नेता विकासले घर घर बाँडे मास्क
धनुषाको औरही गाँउपालिका वडा नं. १ वडा अध्यक्षका प्रत्यासी समेत रहेका समाजवादी पार्टीका युवा नेता विकास यादवले समेत आफनो वडाका घर घर मा मास्क वितरण गर्नुका साथै मास्कको प्रयोग र कोरोनावाट बच्ने उपायका बारेमा वडावासीलाई समझाएका छन् । नेता विकासले वडामा आफुले समेत मत पाएकाले जिम्मेवारी वहन गर्नका लागि वडाको घर घरमा पुगेर सो काम गरेको बताए । यिनिहरु एसपी खवरको सम्पर्कमा आएका सहयोगका उदाहरण हुन यस्ता कैयन सहयोगी हातहरु सहयोग लिएर अभाव पिडितहरुको घरमा पुग्ने गरेको छ । केहि जनप्रतिनिधीहरु समेत यसमा सरिक भएपनि अधिकांश अभियन्ता र समाजसेवीहरुको भुमिका उच्च देखिन्छ । जनकपुरधामको असहाय संरक्षण मञ्च, जनकपुरधाम उद्योग बाणिज्य संघ, होटल व्यवसायी संघ, धनुषा चेम्वर अफ कर्मश सहित विभिन्न व्यक्तिहरु समेत सहयोगमा तल्लिन छन् । गरिवहरु सहयोगीहरुलाई धन्यवाद दिदै भोकवाट तत्काल मुक्त गर्दै जिउने आशा जगाएकोमा आर्शिवाद दिइरहेका छन् ।
