एसपी रिपोर्टर
जनकपुरधाम, चैत १९ : एक त कोरोनाका कारण भएको लकडाउनमा अभावै अभाव र त्यसमाथी लकडाउनकै बिच श्रीमानको निधन । धनुषाको पौडेश्वर १ की पाँच बच्चाकी आमा फुलोदेवी माथी बज्रपात नै परेको छ । गत चैत १४ गते उनका श्रीमान ब्रहमदेव दासको निधन संगै फुलोदेवी र उनका पाँच बालबच्चाको बिच्चली छ । फेरी अर्को समस्या उनी अपाङ्गता भएका पनि हुन । फुलोदेवीको समस्या र पिडा कहाली लाग्दो छ । यस्तो लकडाउनको वेला उनले भोग्ने गरेको पिडा र अभाव उनलाई मात्र थाहा छ होला । गरिव र विपन्नको पिडा एतिवेला समाचारमा सांकेतिक रुपमा दर्शाउन मात्र सकिन्छ वास्तिविक पिडा त भोग्नेलाई मात्र थाहा हुन्छ ।
ति पिडित परिवारलाई असहाय संरक्षण मञ्चको केहि सहयोगले भने राहत भएको हुनुपर्छ । पसल र बजार बन्द रहेकैवेला दिवंगत श्रीमानको काजकिरिया समेत गर्नुपर्ने बाध्यतात्मक परिस्थतीकै वेला केहि सहयोगीहरु भने उनको यस पिडामा मलहम लगाउने काम गरेको छ । मञ्चका अध्यक्ष बैद्यनाथ साह , सेवक ध्रमेन्द्र साह र साधु यादवले दिवंगत दासको काजकिरियामा समेत केहि राहत होस भन्ने उद्देश्यले पिडित फुलोदेवीकी देवर मोहनदास मार्फत ५ हजार १ सय नगद, चावल १ बोरा आलु १० किलो, दाल ५ किलो सहितका खाद्यान्न समाग्री प्रदान गरिएको मञ्चका अध्यक्ष साहले बताए । वहाँको पिडा कहाली लाग्दो छ तर यस्तो समस्या र अभावका वेला हामीले जे सक्यौं गरयौं अध्यक्ष साहले बताए ।
एता जनकपुरधाम उपमहानगरपालिका वडा नं. ४ का होटल व्यवसायी युवा रोशन चौधरीले समेत सोहि पिडित परिवारलाई २१ सय नगद तथा खाद्य समाग्री सहयोग गरेका छन् । चौधरीले आफुलाई पिडित फुलोदेवीको बारेमा जानकारी भएपनि सकेको जति सहयोग गरेको बताए । साथै चौधरी जनकपुरधाम उपमहानगरपालिकाको वडा नं. ११ मा २५ घर परिवारलाई समेत केहि खाद्यान्न समाग्री राहत स्वरुप वितरण गरेको बताए ।
उनका अनुसार जनकपुरधाम जिरोमाईलवाट पश्चिममा रहेको कुष्ठरोग प्रभावितहरुको आश्रयस्थलमा समेत दर्जनौ परिवारहरुलाई ध्रमेन्द्र साहको स मिलवाट दाउरा सहित खाद्यान्न समाग्री र कपडा समेत वितरण गरिएको छ । त्यसै गरि बेला स्थित डिहवार थान नजिकको केहि दर्जनौ गरिव दलित विपन्न परिवारहरुलाई समेत खाद्यान्न समाग्रीहरु वितरण गरिएको बताए । क्याम्पस चौकमा समेत अभावको पिडा झेलिरहेको गरिवहरुलाई केहि राहत स्वरुप खाद्यान्न वितरण गरिएको साहको भनाई छ ।
वडा नं. १ मा गरिव विपन्नलाई तयारी भोजन
एता जनकपुरधाम उपमहानगरपालिका वडा नं. १ तथा स्टेशन एरिया युवा समाजको संयुतm पहलमा वडामा गरिव विपन्न परिवारहरुलाई तयारी भोजन वितरण भइरहेको समाजका सल्लाहकार समेत रहेका जनकपुरधाम उद्योग बाणिज्य संघका महासचिव जितेन्द्र महासेठले बताए । वडाको खुल्ला चौरीमा टेन्ट लगाएर खाना बनाएर स्थानिय गरिव, दलित तथा विपन्न परिवारलाई खाना वितरण गरिएको छ ।
मंगलवार देखि विहान ११ बजे देखि ४ बजे सम्म विहान र बेलुकी दुवै छाकको खाना घरवाट ल्याएको भाडाँमा दिएर पठाउने गरेको र भिडभाड हुन निदिएको महासेठले बताए । भोजन वितरणमा वडा अध्यक्ष सत्रुधन साह सहितको सक्रियता रहेको छ । वडा अध्यक्ष साहले दैनिक करिव पाँच देखि छ सय सम्मले खाना लाने गरेको बताए ।
त्यसै गरि क्षिरेश्वरनाथ नगरपालिकामा समेत गरिव विपन्नहरुलाई खाद्यान्न समाग्री वितरण गरिदै छ । स्थानिय नेकपाका नेता कार्यक्रताहरु आ–आफनै निजी स्रोतवाट नपाका दलित गरिव विपन्नहरु मध्ये मंगलवार वडा नं. १० मा १ सय ४० र बुधवार वडा नं. ५ मा ३ सय र वडा नं. ६ मा २ सय ५० परिवारलाई खाद्यान्न वितरण गरिएको छ । चामल, दाल, आलु, प्याज, नुन तेल सहितको समानहरु ीवतरण गरिएको । खाद्यान्न वितरणमा नेकपाका नेताहरु महेन्द्र यादव, विजय यादव, राजु गुप्ता क्षिरेश्वरनाथ उद्योग बाणिज्य संघका संजय साह र पेट्रोल व्यवसायी ललित साह सहितको सहभागिता रहने गरेको छ ।
