एसपी रिपोर्टर
जनकपुरधाम, चैत १८ : कोरोनालाई रोक्न जारी लकडाउनका बिच अभाव र आवयश्कता भएकाहरुलाई विभिन्न सहयोग जारी छ । सहयोगमा हिन्दु मुस्लिम सवै धर्मका व्यक्ति र संस्थाहरुको सहभागिता हुनु समेत सुन्दर समाज विकासको आधार हो । मुस्लिम अगुवाहरुको संस्था मिशन दहेज मुक्त समाज प्रदेश नं. २ द्वारा अति विपन्न परिवारलाई राहत स्वरुप खाद्यान्न समाग्री वितरण गरिएको छ ।
राहत समाग्रीमा चामल ५ किलो, आलू २ किलो, प्याज १ किलो, खाने तेल आधा लीटर, नून १ किलो, मास्क २ पीस सहितका समानहरु रहेको समाजका अध्यक्ष मो.जब्बार नुरीले बताए । राहत समाग्री किन्न एकै जनाले रकम सहयोग गरेका छन् । राहत सामग्री किन्न लागेको लागत खर्च रु. ८ लाख ५० हजार शिवपुर निवासी मो.गफ्फार नूरीले प्रदान गरेको हो । उनी समाजका अध्यक्ष समेत हुन् । नुरीकै नेतृत्वमा खाद्यान्न वितरण गर्ने काम भइरहेको खानले जानकारी दिए ।
आपत विपतका वेला एक समुदाय अर्का समुदायको भोका निमुखा गरिवहरुलाई सहयोग गर्नु नै समाजको सुन्दरता हो । सो समानहरु जनकपुरधाम वडा नं. ५ र ६ का २५० परिवार, वडा कनं. ४ कटैयाचौरीका ५० परिवार र वडा नं.२३ लादोबेलाका ७५ घर परिवारलाई वितरण गरिएको मिशन दहेज मुक्त समाज प्रदेश नं. २ का महासचिव ईद मो.साफी (जानी खान)ले बताए । मिसन दहेज मुक्त समाज प्रदेश २ ले लकडाउनबाट पीडित ३ सय ७५ अति विपन्न परिवारलाई राहत वितरण गरेको छ ।
त्यसै गरि जनकपुरधाम उपमहानगरपालिकाको विभिन्न वडामा मास्क र साबुन बितरण गरिदै छ । नेपाल युवा संस्था सञ्जाल (आयोन) प्रदेश नं.२ जनकपुरधामद्वारा जनकपुरधाम वडा नं.१९ मा मास्क र सावुन बितरण गरिएको हो । संस्थाको प्रदेश नं २ का उपाध्यक्ष सिताराम यादवको अगुवाई तथा राजपा नेपालमा वडा अध्यक्ष ईन्देश्वर यादव, रंजित चौधरी, धिरेन्द्र मण्डल, नागेश्वर यादव, विहारी महरा लागायतका व्यक्तिहरुको रोहवरमा सो समानहरु वितरण गरिएको हो । कोरोना महामारी न्यूनिकरण तथा नियन्त्रणका लागि जनचेतना जगाउन सो सर समानहरु बितरण गरिएको बताइएको छ ।
सिरहामा समेत जारी छ सहयोगी यात्रा
उता सिरहामा समेत विभिन्न स्थानिय तहहरुमा स्थानिय युवाहरुको पहल र विभिन्न दाताहरुको सहयोगमा समाजमा लकडाउन पिडित गरिव परिवारलाई सहयोग भइरहेको छ । सुखीपुर नगरपालिका सुखीपुरका युवा विद्यार्थी नितेश यादवको अगुवाई र पहलमा जापान बस्दै आएकी ज्वाला संग्रौलाको सहयोमा सञ्जु हुमागाई मार्फत स्थानिय अति विपन्न गरिव परिवारहरुलाई १५ किलो चामल, दाल, नुन, आलु, तेल सहितका समानहरु वितरण गरिएको सिरहा सुखीपुरका युवाहरुले एसपी खवरलाई बताए । साथै ति परिवारहरुलाई डिटोल साबुन र मास्क समेत वितरण गरि कोरोना विरुद्वको सफाईमा ध्यान दिन सुझाइएको छ । युवाहरुले यस्तो वेला एसपी खवरले गरेको सहयोगीहरुको कभरेज सराहनिय रहेको समेत भन्नै खुसी व्यतm गरेका छन् ।
