पिजी पत्रकार
जनकपुरधाम, चैत १८ : धनुषाको सवैला नगरपालिका वडा नं. १२ बरकुर्वा जहाँ गरिव मुस्लिम, दनुवार र मुसहरहरु बसोबास गर्छन । मुसहर बस्तीकी ७२ वर्षिय अनारो देवी सदालाई कोरोना भने रोग नेपालमा समेत आएको थाहा भएपनि मास्क लगाउने गरेकी थिइनन । उ मात्र नभई बस्तीका १ सय घर परिवारमा समेत मास्क देखिएन । मास्क डाक्डरहरुले मात्र लगाउने चिज रहेको उनको बुझाईमा थियो । उनी मात्र होइन त्याहाँ स्थित करिव १ सय मुसहर परिवारहरु सोमवार सम्म मास्कको प्रयोग मात्र होइन सावुन पानीको समेत प्रयोग गरिहेका थिएनन । तर जव कोरोनाको विषयमा उनीहरुलाई सम्झाइयो र मास्क लगाउन भनियो अनि उनीहरु लाज मान्दै मास्क लगाइन ।
सचेतनाको अभावमा उनीहरुमा कोरोनाको न कुनै डर छ न त सावधानी अपनाउनु पर्ने ज्ञान नै ।
यसै बिच मुस्हर समुदायकै हकहितमा काम गर्ने भोर अनुसन्धानमा आधारीत अभियानी तथा परोपकारी संस्थाले सो बस्तीमा १ सय घर मुसहर परिवारलाई ५ सय मास्क र २ सय हातधुने साबुन वितरण गर्दै प्रयोग गर्न आग्रह गरेका छन् । भोरका प्रतिनीधी सरोज प्रसाद दुलाल वडा अध्यक्ष प्रदिप महतो सहित बस्तीमा पुगेर कोरोना रोग, त्यसको लक्षण र प्रभाव तथा महामारीको विषयमा जानकारी गराउनुका साथै उनीहरुलाई हात धुने र मास्क लागाउनाले समेत रोगवाट हदै सम्म बच्न सकिने जानकारी गराएपछि बस्तीमा साबुन र मास्कको प्रयोग हुन थालेको छ ।
त्यहाँ स्थित मुस्लिम परिवारहरुमा पनि मास्क र साबुन वितरण गरिएको छ । यत्रो विश्वव्यापी कोरोना महामारी फैलेको बेला पनि सो समुदायमा मास्क र साबुनको प्रयोग हिजो सम्म थिएन । सो काममा दलित अगुवा राजेन्द्र सदा, समाजसेवी दिप कुवँर लगायततको पनि सहभागिता थियो । अति नै गरिब र दैनिक ज्याला मजदुरी गरी जिवनयापन गर्ने गरेको बरकुर्वामा कुनै सहयोगी निकायको पहुँच पनि छैन । कोरोना भाइरसबाट बच्न साबुन पानिले मिचिमिचि हात धुनुपर्ने र माक्स लगाई कम्तिमा ३ फिटको दुरीमा बस्नुपर्ने सुचना बस्तीमा नपुगेकाले यी दलित मुसहरहरुको घरमा न साबुन हुन्छ, न मिचिमिचि हात धुने वानी नै ।
सबै जना स्वस्थ रहुन र जीवन रक्षा होस भनी भोरको पहलमा माक्स र हातधुने साबुन वितरण गरेको भोरको कोषाध्यक्ष पचुलाल माझी मुसहरले जानकारी गराएका छन् । आज देखि मास्क त प्रयोग गर्छु र सावुन रहुनजेल हात पनि धुन्छु तर काम र माम कसरी हुन्छ ? उनीहरुको प्रश्न छ । वितरण हुदै गर्दा बस्तीमा रोगको डर भन्दा भोकको चिन्ता छ । अनारो देवीको अर्को प्रश्न थियो मास्क कहिले सम्म प्रयोग गर्नुपर्छ र खेतीपाती तथा काम कहिले देखि शुरु गर्न दिन्छ ? उनको यस प्रश्नको जवाफ तत्कालका लागि कसैसंग छैन । साथै नगरपालिकाले पनि विभिन्न वडामा पानी र साबुनको व्यवस्थापन गरेको छ । भोरको तर्फवाट पनि वडा नं. १३ को रामपुर, ढोल्बज्जा सहित तिनठाँउमा पानीको बाल्टिन र साबुन राखिएको छ ।
