एसपी रिपोर्टर
जनकपुरधाम, साउन २१ : भारतको अयोध्यामा बहुप्रतिक्षित श्री राम मन्दिर निर्माणका लागि भूमि पूजन अनुष्ठान भएको छ । भूमिपूजन भर्खरै समपन्न भएको छ । भारतिय प्रधानमन्त्री दामोदर दास नरेन्द्र भाई मोदी भुमि पुजनमा सहभागित भएका छन् । कडा सुरक्षा र महामारी सुरक्षा सर्तकताका बिच भूमि पूजन समपन्न भएको छ । विहान ११ बजे देखि १ बजे सम्म भुमि पुजनको लाग शुभ साइत निकालिएको थियो ।
भुमि पुजन अनुष्ठानमा प्रधामन्त्री मोदी र पुरोहितका साथै सवैको बस्ने निश्चित ठाँउ तोकिएको छ । समाजिक दुरी बनाएर प्रधानमन्त्री मोदी, उतर प्रदेशका मुख्यमन्त्री योगी आदित्यनाथ सहितका सहभागिहरु विराजमान भई भूमि पूजन/शिला पूजन भइरहेको छ । आर एस एस प्रमुख मोहन भागवत र राजयपाल आनंदीबेन पटेल समेत भूमि पूजन अनुष्ठानमा सहभागि भएका छन् ।
सर्व प्रथम श्री गणेश पूजन, कुल ९ शिलाको पूजा भएको छ भने अन्य पुजन विधी समेत शु समपन्न भएको छ । त्यस अघि प्रधानमन्त्री मोदी सहित मुख्यमन्त्री सहितकाहरु रामललाको पुजापाठ तथा दर्शन गरेका थिए । साथै हनुमान गढी सहित विभिन्न मन्दिरहरुमा समेत दर्शन र पूजापाठ गरिएको छ । भूमि पूजनको शुभ मुहूर्त १२ : ४४ देखि १२ : ४५ एक मिनेट तोकिएको थियो । भूमि पूजनमा मिथिलाको राजधानी जनकपुरधामवाट समेत जानकी मन्दिरका महन्थ राम तपेश्वर दास राजर्षिराजा जनकको प्रतिनिधित्व गर्दै पाँचवटा चाँदीको इटा र जनकपुरधामको माटो सहित अयोध्या पुगेका छन् ।
