एसपी रिपोर्टर
जनकपुरधाम, असोज १९ गते : जनकपुरधामका व्यापारीहरु नेपाल सरकारले किनेको भनिएको रेल यात्रु चढने सुविधाजनक रेल रहेको बताउदै समानहरु कसरी ल्याउने ? प्रश्न गरेका छन् । जनकपुरधाम उद्योग बाणिज्य संघको अगुवाईमा आज प्रमुख जिल्ला अधिकारी मार्फत संघिय सरकारका भौतीक पुर्वाधार तथा अर्थ मन्त्रालयलाई ज्ञापन पत्र बुझाउदै व्यापारीहरु समान ल्याउने उचित व्यवस्था गर्न समेत ध्यानाकर्षण गराएको छ । रेल्वे सेवा यस क्षेत्रका व्यापारीहरुका लागि भन्सार तिरेर सहज तरिकाले समान ल्याउने माध्यम समेत रहेको स्मरण गराउदै उनीहरु पुनः सो सेवा पाउनु पर्ने मांग गरेका छन् ।
किनिएको रेलमा यात्रु बाहक बोगी मात्र रहेको र मालवाहक बोगी नरहेको प्रति उनीहरुको चिन्ता छ । साथै संघले अर्थ मन्त्रालयलाई समेत ज्ञापन पत्र बुझाएको छ । ज्ञापनपत्रमा उल्लेख छ, ‘विगत १० वर्ष देखि रेल सेवा बन्द रहँदा संघको पहलमा नेपाल सरकार र भारतिय सरकारको अर्थ मन्त्रालय बिच समन्वय गरि जयनगर नाकावाट रेल्वेद्वारा मालसमान ओसार पोसार गर्न विहारको जयनगर भण्सारले स्वीकृती दिने प्रावधानलाई बन्द गराई पिपरौन हुदै जटही नाकावाट समान ल्याउन व्यवस्था मिलाइएको र पछि भारत सरकारको नोटिफिकेसन पछि त्यो माध्यम समेत बन्द भएकाले निकट भविष्यमै सञ्चालन हुने रेल सेवावाटै समान ओसार पोसारको पुर्वत व्यवस्था मिलाउन पहल गरिदिन हुन अनुरोध छ ।’
संघका अध्यक्ष ललिक कुमार साह हस्ताक्षरित विज्ञप्तीमा रेल्वेको इतिहाँस समेत उल्लेख छ ।
फेसबुकबाट तपाईको प्रतिक्रिया !