एसपी रिपोर्टर
जनकपुरधाम, असार ८ : प्रदेश २ सरकार यति निरिह छ कि प्रदेशका किसानहरुको लागि मलखाद्य आपुर्तीका लागि पनि विज्ञप्ती निकालेर संघ सरकारलाई आग्रह गरिहरेका छन् । हुन त यो विषय संघ सरकारकै मातहतमा भएकाले प्रदेश २ सरकारले त्यसो गरेको हुनु पर्दछ तर त्यसो हो भने प्रदेश २ को किसान प्रदेश २ सरकारलाई किन मान्ने ?
नेपाल त हो नै प्रदेश २ त झनै कृषि प्रधान प्रदेश हो । यहाँको करिव सत प्रतिशत खेती योग्य जमिनमा धान उत्पादन हुन्छ भन्दा फरक नपर्ला । तर एका समय धान उत्पादनमा आफै निर्भर प्रदेश २ का किसानहरु अहिले सम्म मलखाद्य पाउन सकेका छैनन । धान रोपाईको सिजन चलिरहेका वेला किसानहरुलाई मलखाद्य आपुर्ती गर्न नसकेर प्रदेश २ सरकार समेत लज्जा महशुस गरिरहेको अवस्था छ ।
प्रदेश २ का भुमि व्यवस्था कृषि तथा सहकारी मन्त्री शैलेन्द्र साहले एक विज्ञप्ती जारी गर्दै यस अघि नेपाल भित्रिएको मलखाद्यमा प्रदेश २ का किसानलाई पाखा लगाइएको भन्दै अव आउन लागेको १२ हजार मेट्रिकटन मल प्रदेश २ को किसानलाई मात्र उपलब्ध गराउन मांग गरेको छ । सन्तोषजनक धान उत्पादनका लागि प्रदेश २ मा मात्र करिव १ लाख मेट्रिकटन मलको आवयश्कता रहेको समेत विज्ञप्तीमा उल्लेख छ । विज्ञप्ती पढेर प्रदेश २ सरकार संघ सरकार समक्ष कति लाचार छ भन्ने कुरा प्रष्ट हुन्छ ।
देशमा प्रत्येक वर्ष कुल ७ लाख मेट्रिकटन मलको आवयश्कता रहेकोमा प्रदेश २ मा मात्र ३ लाख आवयश्क पर्ने उल्लेख गर्दै विज्ञप्तीमा पटक पटक संघ सरकारसंग गुहार गरेको देखिन्छ । आफना किसानको लागि जावो मल समेत किनेर दिन नसक्ने प्रादेशिक सरकारको हैसियत के ? किसानहरुको मनमा ब्याप्त उब्जने प्रश्न हो यो ।
फेसबुकबाट तपाईको प्रतिक्रिया !