एसपी रिपोर्टर
जनकपुरधाम, साउन २२ : सुजुकी चारपाँग्रे गाडीको जनकपुरधाम स्थित आधिकारिक विक्रेता श्री रामजानकी ट्रेडर्सले सुजुकीको जिम्नी र फ्रोन्क्स नामक चारपांग्रे गाडी जनकपुरधाममा विक्रि वितरण सुरु गरेको छ ।
ट्रेडर्सले सोमवार एक कार्यक्रमको आयोजना गरी जनकपुरधाम स्थित आफनो शो रुपमा सुजुकीको यी दुई मोडलको चार पांग्रे गाडी लञ्च गरेको हो । सुजुकीको जिम्नी अन्तर्राष्ट्रिय बजारमा प्रतिक्षित र फ्रोन्क्स नयाँ जेनरेशनको गाडी रहेको ट्रेडर्सका संचालक युवा व्यवसायी प्रमोद साहले जानकारी दिए ।
जिम्नी गाडीलाई हेभी ड्युटी ल्याडर फ्रेम चेसिसमा निर्मित, पर्याप्त बडी एंगल र ग्रउण्ड ििक्लयरेन्स लगायतका फिचरले आकर्षक बनाएको उनले बताए । त्यस्तै फ्रोन्क्सको आकर्षक लुक स्पोर्टी मोडेलका कारण युवाहरुलाई अकार्षित गर्ने उनको भनाई छ ।
सो कार्यक्रममा जनकपुरधाम उद्योग वाणिज्य संघका अध्यक्ष जितेन्द्र महासेठले रामजानकी ट्रेडर्स लगायतका व्यवसायिक प्रतिष्ठानले जनकपुरधाममा विस्तार गरिरहेको कारोबारले जनकपुरधामको बजार व्यवसाय तथा आर्थिक स्थितिको विकासमा मद्दत पुग्ने विश्वास व्यक्त गरे ।
सो कार्यक्रममा जनकपुरधाम उद्योग वाणिज्य संघका पुर्व अध्यक्ष ललित साहबरिष्ठ उपाध्यक्ष मनिष रमण साह, उपाध्यक्ष अम्भु प्रसाद साह, जनकपुरधाम वडा नम्बर ३ का वडाध्यक्ष दिपेन्द्र साह, एमालेको जनकपुरधाम नगर अध्यक्ष सुरेन्द्र भण्डारी, निर्माण व्यवसायी संघ धनुषाका अगुवा जय प्रकाश गुप्ता पप्पु लगायत स्थानिय व्यवसायी, ग्राहक तथा गाडी पारखीहरुको उपस्थिति रहेको थियो ।
