एसपी रिपोर्टर
जनकपुरधाम, साउन १२ : एभरेष्ट बैंकले जनकपुरधाममा थप एक शाखा विस्तार गरेको छ । जनकपुरधामको मुरलीचौक देखि क्याम्पसचौक जाने मुख्यसडक छेउमै बैंकले जनकपुरधाममा दोस्रो शाखा सञ्चालनमा ल्याएको छ । बैंकले यो शाखा शुभारम्भ गरे संगै देशमा बैंकको यो शाखा १ सय २७ औं शाखा बनेको छ ।
शुक्रवार एक समारोहका बिच बैंकका डेपुटी सिइओ विजय कुमार शर्मा र जनकपुरधाम उपमहानगरपालिका वडा नं. ४ का वडा अध्यक्ष सुरेश झाले बैंकको मुरलीचौक शाखाको समुदघाटन गरेका छन् । डेपुटी सिइओ शर्माले यस शाखामा सम्पुर्ण खाता, लकर सुविधाका साथै सम्पुर्ण सेवा उपलब्ध हुने बताउदै मुस्कान सहितको सेवा प्रदान गर्न कर्मचारीहरुलाई निर्देशन दिए ।
वडा अध्यक्ष झाले बृद्वबृद्वा, फरक क्षमता र अशक्तहरुका लागि सहज पहुँच र सेवाको व्यवस्था गर्न बैंकलाई आग्रह गरेका थिए । ब्रान्च म्यानेजर विक्रान्त शर्माले शाखा विस्तार संगै एभरेष्टका ग्राहकहरुलाई सुविधा हुने बताए ।
