एसपी रिपोर्टर
जनकपुरधाम, जेठ २० : प्रदेश २ मा कोरोना भाइरस संक्रमित हुनेको संख्या ८ सय १५ पुगेको छ । मंगलवार मात्रै १ सय २० जनामा कोरोना संक्रमणको पुष्टि भएको हो । समाजिक विकास मन्त्रालयका सचिव डा. रामप्रसाद घिमिरेले दैनिक मिडिया ब्रिफिङमा दिएको जानकारी अनुसार सप्तरीमा १, सिरहामा १७, धनुषामा ४, महोत्तरीमा २, सर्लाहीमा २१, रौतहटमा ७४ र बारामा एकजनामा कोरोना संक्रमण पुष्टि भएको हो ।
उनका अनुसार सप्तरी जिल्लाको राजगढ गाउँपालिकामा रहेको नार्गो माध्यमिक विद्यालयको क्वारेन्टाईनमा एकजना, सिरहाको सिरहा नगरपालिका स्थित सुर्यनारायण सत्यनारायण मरवैता क्याम्पस होस्टलमा रहेको क्वारेन्टाईमा १७ जनामा कोरोना पुष्टि भएको हो । धनुषाको धनौजी गाउँपालिका स्थित शंकर माविमा रहेको क्वारेन्टाईनमा १, नगराईन क्वारेन्टाईनमा १ र हंसपुर नगरपालिका नौवाखोर मावि क्वारेन्टाईनमा २ जनामा, महोत्तरीको रामगोपालपुर गाउँपालिका २ महेन्द्र माविमा १, विसविट्टी मावि क्वारेन्टाईनमा १ जनामा कोरोना पुष्टि भएको छ भने सर्लाहीको बलरा नगरपालिका क्वारेनटाईनमा ९, ब्रम्हपुरी गाउँपालिका ९ स्थित रामविलाश प्रा.वि. क्वारेन्टाईनमा १२ जनामा पनि कोरोना संक्रमण पुष्टि भएको हो ।
त्यसैगरी रौतहट जिल्ला दुर्गाभगवती गाउँपालिका २ स्थित भोलइया मावि क्वारेन्टाईनमा १४, राजपुर नगरपालिका २ बैरिया स्थित मदरसामा संचालित क्वारेन्टाईनमा २१, गढीमाई नगरपालिका ३ स्थित शंकरबुद्ध माविको क्वारेन्टाईनमा १, परवा नगरपालिका ४ स्थित लौकहा माविमा संचालित क्वारेन्टाईनमा ४, राजदेवी नगरपालिका ६ स्थित क्वारेन्टाईनमा १८, गौर नगरपालिका ३ स्थित युद्ध माध्यमिक विद्यालयको क्वारेन्टाईनमा २३, यमुनामाई गाउँपालिका ४ स्थित सर्वथा माविको क्वारेन्टाईनमा ८ वर्षिय बालिका सहित ३ जनामा कोरोना पुष्टि भएको छ भने बाराको देवताल गाउँपालिका स्थित ने.रा.नि.मा.वि.को क्वारेन्टाईनमा रहेका एकजनामा समेत कोरोना पुष्टि भएको उनले जनाए ।
हालसम्म प्रदेशको सप्तरीमा ५६, सिरहामा ४७, धनुषामा ८१, महोत्तरीमा ३१, सर्लाहीमा १३१, रौतहटमा ३०८, बारामा ५५ र पर्सामा १०४ जना संक्रमित मध्ये १ सय ४ जना उपचार पश्चात निको भई घर फर्केका छन ।
आइशोलेसनमा कति ?
मिडिया ब्रिफिङमा जानकारी गराई अनुसार मंगलवार दिउंसोसम्म सप्तरीको गजेन्द्रनारायण सिंह सगरमाथा अंचल अस्पतालमा १, राजविराज स्थित शाही कृष्णा अस्पतालको आइसालेशन कक्षमा ५३ जनाको उपचार भइरहेको छ भने सिरहाको महेन्द्र गेनाई अस्पतालमा २५, जिल्लाको कोभिड १९ विशेष अस्पतालमा ५ र धनुषाको प्रादेशिक अस्पताल अन्तर्गतको कोभिड १९ विशेष अस्पतालमा २८ र लक्ष्मिनिया स्थित सीटीईभीटी पोलिटेक्निक इन्स्टिच्यूटको आइसोलेशन कक्षमा ५९ जनाको उपचार भइरहेको छ ।
त्यसैगरी महोत्तरीको जिल्ला अस्पतालमा २६, सर्लाहीको मलंगवा स्थित बलवामाई राजनारायण यादव अस्पतालमा ४५ जनाको उपचार भइरहेको भने रौतहटको चन्द्रनिगाहपुर स्थित अस्पतालमा ८, गौरमा २९, राजपुर फरहदवामा २५, देवही गोनाहीमा २२, गरुडा प्राथमिक स्वास्थ्य केन्द्रमा रहेको आइसोलेशन कक्षमा ७५ जना, बाराको कलैया स्थित अस्पतालमा ५०, पर्साको नारायणी उपक्षेत्रिय अस्पताल अन्तर्गतको कोभिड विशेष गण्डक अस्पतालमा २० जनाको उपचार भइरहेको जनाइएको छ । सिरहामा ४, प्रादेशिक अस्पताल जनकपुरमा एक र महोत्तरी जिल्ला अस्पतालमा ८ जना आशंकितको आइसोलेशन कक्षमा उपचार भइरहेको छ।
परिक्षण र क्वारेन्टाईनको अवस्था के ?
प्रदेशभरिमा २८ हजार ८ सय ८५ बेड सहितको ३ सय ९४ वटा क्वारेन्टाईन निर्माण गरिएको छ जसमा २३ हजार ३ सय ७६ जना शंकास्पद स्दै आएका छन भने ५ हजार ५ सय ८३ जना होम क्वारेन्टाईनमा बस्दै आएका छन । हालसम्म प्रदेशमा १६ हजार ४ सय ४४ जनाको स्वाव संकलन गरिएकोमा परिक्षण पश्चात ८ सय १५ जनामा पोजेटिव पुष्टि भएको छ भने १० हजार ४ सय २३ जनाको रिपोर्ट निगेटिभ आएको छ र ५ हजार २ सय ६ जनाको परिणाम आउन बांकी रहेको छ । त्यसैगरी आरडीटी परिक्षण तर्फ ७ हजार ३० जनाको परिक्षण गरिएकोमा ७९ जनाको पोजेटिभ र ६ हजार ५१ जनाको निगेटिभ परिणाम आएको सचिव डा. घिमिरेले जानकारी दिए ।
