एसपी रिपोर्टर
जनकपुरधाम, जेठ १२ : प्रदेश २ ले सरकारले लगातार दुईवटा पिसिआर मेशिनले धोका दिएको ल्याएको रियल टाइम पिसिआर मेशिन संचालनमा ल्याएको छ । जनकपुरधामको कदमचौक स्थित प्रादेशिक जनस्वास्थ्य प्रयोगशालामा मेशिन जडान गरि परिक्षणको लागि तयार गरिएको छ ।
प्रदेश सरकारले खरिद गरेको २ वटा मेशिन मध्ये जनकपुरधामको रियल टाईम पिसिआर मेशिन संचालनमा आएको छ । आज विहान सामाजिक विकास मन्त्री नवलकिशोर साहले सो ल्यावको निरिक्षण पश्चात् सो ल्याव संचालनमा आएको हो । संचालनमा आएको उक्त मेशिनले एकपटकमा चार घण्टामा ९६ वटा सम्म रिपोर्ट दिने छ भने एकदिनमा तीन पटक गरि कुल पौने तिनसयको जाँच हुनेछ । जनकपुरधामको मेशिन संचालन भए लगतै प्राविधिक टोलि राजविराज तिर प्रस्थान गरेका छन ।
राजविराजका लागि समेत ल्याइएको सोहि मेशिन एक दुई दिन भित्रै संचालनमा आउने छ । निरिक्षणका क्रममा मन्त्री साहसंगै मन्त्रालयका सचिव डा. रामप्रसाद घिमिरे, जनकपुरधामका मेयर लालकिशोर साह, स्वास्थ आपुर्ति व्यवस्थापन केन्द्रका निर्देशक डा. प्रमोद यादव लगाायतको सहभागीता थियो । मन्त्री साहले प्रयोगशालालाई व्यवस्थापन र समन्वय गर्न पुर्व निर्देशक डा. राजकुमार महतोलाई सल्लाहकारको रुपमा नियुक्त गरिएको पत्र पनि हस्तान्तरण गर्नुभयो ।
