एसपी रिपोर्टर
कठमाण्डांै, जेठ १० : कपिलवस्तुमा शनिबार थप भएका ८ जना कोरोना संक्रमित मध्ये एकजना जनप्रतिनिधि र एकजना पत्रकार रहेका छन् । स्वास्थ्य तथा जनसंख्या मन्त्रालयले शनिबार पुष्टि गरेका ३२ जना संक्रमितमध्ये कपिलवस्तुका ८ जना हुन् ।
आठजना संक्रमितमध्ये एकजना ४० वर्षका जनप्रतिनिधि र एकजना २७ वर्षका पत्रकार पनि रहेको कपिलवस्तुका कोरोना फोकल पर्सन कुमार थापाले बताए । यस्तै कपिलबस्तुको बाणगंगा नगरपालिका वडा नं. ३ का अन्य संक्रमितमा १९ वर्षका पुरुष, वडा नं. ८ का २५ बर्षका पुरुष, वडा नं. १० का ३५ वर्षका पुरुष, वडा नं. ११ का ४२ वर्षका पुरुष रहेका छन् ।
यस्तै बुद्धभुमि नगरपालिका वडा नं. ४ का १७ वर्षकी युवती र २२ वर्षका पुरुषमा पनि कोरोना पोजेटिभ देखिएको हो । उनीहरुको स्वाब जेठ ४ र ५ गते वाणगङ्गा नगरपालिकाको सिद्धार्थ क्याम्पसबाट संकलन गरिएको थियो । सबैको स्वास्थ्य अवस्था सामान्य रहेको कोरोना फोकल पर्सन थापाले बताए ।
कपिलवस्तुका साथै शनिवार ३२ जना थपिएका सर्लाही, रुपन्देही, काठमाडौं लगायतका जिल्लाका कोरोना संक्रमितहरु हुन् । सर्लाहीको गोडैता र कविलासी नगरपालिकामा १३ जना संक्रमित भेटिएका छन् । त्यस्तै कपिलवस्तुको वाणगंगा नगरपालिकामा ८ जना संक्रमित भेटिएका छन् । रुपन्देहीको गैडहवा र रोहिणी गाउँपालिकामा ८ जना, बाराको करैयामाई गाउँपालिका, चितवनको भरतपुर महानगरपालिका(६ र काठमाडौं जिल्लामा पनि एकरएक जना संक्रमित भेटिएका मन्त्रालयका सहप्रवक्ता डा. समीरकुमार अधिकारीले जानकारी दिए ।
योसँगै कोरोना संक्रमितको संख्या ५ सय ४८ पुगेको स्वास्थ्य तथा जनसंख्या मन्त्रालयले जनाएको छ । जस मध्ये तिनजनाको मृत्यु भएको छ भने ७० जना निको भएका छन् ।
