एसपी रिपोर्टर
जनकपुरधाम, जेठ ६ : क्वारेन्टाइनहरु स्तरीय र सुविधायुक्त नभएको गुनासो सर्वत्र सुनिन्छ । गाँउवाट टाढा विद्यालय सहितका भवनहरुमा प्राय क्वारेन्टाइन तोकिएको छ । तर नगरको मुख्य केन्द्र रामचौक स्थित यस क्वारेन्टाइनमा नयाँ तन्ना, मच्छरझुल, सिरानी मात्र होइन मच्छर धुप पनि छ । संक्रमणवाट बच्न खानै पर्ने तातोपानीका लागि विद्युतिय उपकरण सहित मिनिरल वाटर, साबुन, मास्क, ब्रस र जिविया सहित तुथ पेष्ट समेतको सुविधा गरिएको छ यहाँ ।
जनकपुरधाम उपमहानगरपालिकाले सक्दो सवै सुविधा सहित नयाँ क्वारेन्टाइन सञ्चालनमा ल्याएको छ । जनकपुरधामको एतिहाँसिक गोपाल धर्मशालामा ५० वेडको नयाँ ‘क्वारेन्टाइन’मा सेन्टर मंगलबार देखि शुरु भएको छ । शुरुको दिनमा उप–महानगरपालिकाले २५ वेडको ‘क्वारेन्टाइन’ स्वस्तिका नर्सिङ्ग होममा संचालन गर्दे आईरहेकोमा दिन प्रतिदिन कोरोन संक्रमितहरुको संख्या बढने सम्भावना देखिएपछि सो क्वारेन्टाइन सञ्चालनमा ल्याइएको छ ।
‘खानाको पनि उचित प्रबन्ध गर्छौ’, उपमहानगरपालिका प्रमुख लालकिशोर साहले एसपी खवरलाई भने, खानामा पनि कुनै गुनासो नहुने गरि व्यवस्थापन गर्ने प्रयास भइरहेको छ ।’ गरिएको व्यवस्थापन अवलोकनमा प्रमुख साह संगै उपप्रमुख रिता झा पनि थिइन । केहि सञ्चारकर्मीहरुलाई समेत बोलाएर सुविधाहरु देखाउदै प्रमुख साहले कुनै गुनासो आए पहिला आफुलाई जानकारी गराउन आग्रह गर्दै आफु कमजोरी सच्याउन हर सम्भव प्रयास गर्ने बताए ।
तत्काल अहिले ५० वेडको क्वारेन्टाइन व्यवस्था गरिएको र यहाँ प्रयाप्त ठाँउ रहेकाले पछि आवश्यक्ता अनुसार अरु थप गरिने उपप्रमुख झाले बताइन । क्वारेन्टाइनमा वाइफाइ, २४ सैं घण्टा विजुली, खानेपानी, पौष्टिकयुक्त सन्तुलित खानाको समेत प्रवन्ध गरिएको छ । सुरु गरिएको क्वारेन्टाइनको व्यवस्थापनको समाजिक सञ्जालमा समेत तारिफ भइरहेको छ ।
तस्वीरहरु : उपमहानगरपालिका र पत्रकार अजय अनुरागीको फेसबुकवाट
