एसपी रिपोर्टर
जनकपुरधाम, जेठ ६ : संक्रमित भनिएका जनकपुरधामका पत्रकार र पुस्तक व्यवसायी दुवैजना परिवारका सबै सदस्यको पिसिआर रिपोर्ट निगेटिभ आएको खवर प्राप्त भएको छ । संक्रमित पत्रकारले अधिकांश तनाव परिवारका सदस्यहरुको के हुने हो भन्ने रहेको बताउदै खवरले मन हल्का भएको बताए ।
पत्रकार र पुस्तक व्यवासायीमा संक्रमण पोजेटिभ देखिएपछि उनीसंगै बस्दै आएका सम्पुर्ण सदस्यहरुलाई क्वारेन्टाइन गरिएको थियो । स्वस्तिक अस्पतालमा क्वारेन्टाइन गरिएका परिवारका सदस्यहरुमा महिला, बालबालिकाहरु समेत थिए । संक्रमितहरुमा कुनै लक्ष्ण नदेखिए पनि उनीहरुमा परिवारका सदस्यहरुलाई लिएर धेरै नै तनाव थियो । तर रिपोर्ट निगेटिभ आएपछि धेरै राहत भएको र अव रोगसंग लडन झनै आत्मबल बढने उनीहरुले एसपी खवरलाई बताए । पत्रकारको पाँच र पुस्तक व्यवसायीको तिन गरि आठजना सदस्यको परिक्षण गरिएको थियो । परिक्षण काठमाण्डौमा गरिएको थियो ।
