एसपी खवर
जनकपुरधाम, वैशाख २० : कोरोना जोखिम न्युनिकरणका लागि सरकारले जारी गरेको लकडाउन को ४० औं दिन सम्म पनि विभिन्न समाजसेवी र दाताहरु गरिव विपन्नहरुको सहारा बन्ने गरेका छन् । लकडाउनका कारण समस्यामा परेका व्यक्तिहरुको पीडालाई मध्यनजर गर्दै समाजसेवी महेन्द्र प्रसाद साह र सीता देवी साहले जनकपुरधाम वडा नं. १० मा राहत वितरण गरेका छन् ।
जनकपुरधाम वडा नं. १० देवीचौक स्थित चित्रगुप्त सेवा समितिको प्राङ्गणमा राहतको अति आवश्यकता परेका व्यक्तिहरुलाई बोलाएर उनले राहत बाँडेका हुन् । उक्त टोलमा खबर गरी राहत आवश्यक पर्नेको नामावली संकलन गरेर तिन सय परिवारलाई राहत वितरण गरिएको साहले बताए । उनले विगत ४० दिनदेखिको लकडाउनका कारण गरिब तथा विपन्नहरु बढि समस्यामा परेकाले उनीहरूको पीडा सहन नसकेर आफ्नो व्यक्तिगत तवरबाट राहत वितरण गरेको बताए । ‘अहिले
को संकटपूर्ण अवस्थामा अन्य सहयोगी हातहरुलाई समेत अगाडी बढ्न उनले आग्रह समेत गरे ।
यस कार्यमा समाजसेवी साहलाई स्थानिय माँ राजदेवी युवा कमिटीका महेश प्रसाद साह र नेपाल तरुण दल धनुषाका उपाध्यक्ष राकेश बिक्रम साहले सहजीकरण गरि सहयोग गरेका थिए । १० किलो चावल सहित दाल, तेल सहितका खाद्यान्न समाग्री र मास्क समेत वितरण गरिएको राकेश विक्रम साहले बताए ।
मारवाडी सेवा समितिको निरन्तर भोजन वितरण
एता मारवाडी सेवा समितिले दैनिक निरन्तर भोजन वितरण गरिहेको छ । महाविरचौक स्थित समितिको धर्मशाला अगाडि स्टल सञ्चालन गरि भोका र अभाव भएकाहरुलाई तयारी भोजन वितरण निरन्तर चलिरहेको छ । लकडाउनवाट अति प्रभावितहरुको पहिचान गरि राहत लिएर पुग्न स्थानिय सरकारलाई हम्मे परेका वेला यस्ता संस्थाहरुको सहयोगले गरिव र प्रभावितहरुको घर र जिवन चल्ने गरेको छ ।
