एसपी रिपोर्टर
जनकपुरधाम, बैशाख ७ : पर्साको बहुदरामाइ नगरपालिका वडा नम्बर ९ विश्रामपुरमा दुईपक्ष बिच झडप हुँदा ८ जना भन्दा बढी घाइते भएका छन् । मौजेटोलमा शनिबार बेलुकी दुई पक्षबीच झडप भएको हो । मौजेटोलमा देवान र कलवार पक्षबीच पिटापिट भएको र दुवै पक्षका गरी ८ जना भन्दाबढी घाइते भएका छन् । घाइते हुनेहरुमा देवान पक्षका फैयाद देवान, फतिमा खातुन, मखमुल राय भाट र बडिया राय भाट तथा कलवार पक्षका चन्दन गुप्ता कलवार, सुनिल गुप्ता कलवार, राधेश्याम गुप्ता र सुशीला देवी छन् ।
घाइतेहरुको वीरगन्जस्थित नेशनल मेकिडल कलेज र गण्डक हस्पिटलमा उपचार भइरहेको छ । वडासदस्य फकरुद्धिन देवानका अनुसार, मौजेटोलमा रहेको मस्जिदमा शनिबार बेलुकी जमाती किन राखेको भन्दै केही व्यक्तिले ढुङगा, इँटा प्रहार गरेपछि त्यही विषयलाई लिएर झडप भएको हो । झडपमा घाइते भइ नेशनल मेडिकल कलेजमा उपचार गराइरहेका चन्दन गुप्ताले भने मस्जिदमा केहिदिन देखि बस्दै आएका बाहिरका जमातीलाई नराखौ भनेर आफूहरु जाँदा ढुङगाले हान्न थालिएपछि झडप भएको दाबी गरेका छन् ।
झडपको खबर पाएलगत्तै जिल्ला प्रहरी कार्यालय पर्साबाट प्रहरी नायब उपरीक्षकको नेतृत्वमा गएको प्रहरी टोलीले स्थिति नियन्त्रणमा लिएको हो । प्रहरीले झडपमा संलग्न रहेको आरोपमा स्थानीय राजु गुप्ता र नसुरलाह मियाँलाई नियन्त्रणमा लिएको छ । झडप किन भयो यस विषयमा दुवै पक्षले बोल्न नमानिरहेको प्रहरीको भनाई छ । वडा अध्यक्ष रवि गुप्ताले गाँउमा समाजिक सदभाव बिथोल्ने नियत राखेका केही व्यक्तिका कारण दुःखद् घटना हुन पुगेको बताए । मस्जिदमा बाहिरका कोहि पनि नरहेको भन्दै उनले यसअघि नै प्रहरी बोलाएर मस्जिदमा खानतलासी भइसकेको बताए ।
यस्तो छ झडपबारे स्थानियको भनाई
