एसपी रिपोर्टर
जनकपुरधाम, बैशाख ६ : जनकपुरधामको महाविरचौक स्थित सडकमा पैसा फालेर त्रास फैलाउने महिलाहरुलाई प्रहरीले पक्राउ गरेसंगै एसपी खवरले प्रहरीलाई पछयाएको थियो । जनकपुरधाम उपमहानगरपालिका वडा नं. ७ वाट पक्राउ परेका उनीहरुलाई जिल्ला प्रहरी कार्यालयमा सोधपुछ गरि जनकपुरधाम प्रादेशिक अस्पतालमा पुरयाइयो ।
पक्राउ पर्नेमा धनुषाको धनौजी गाँउपालिका वडा नंं ५ बहुअर्वा बस्ने वर्ष ५० की अमुना खातुन र उनी नन्द जनकपुरधाम वडा नं. ७ बस्ने वर्ष ३५ की अलिना खातुन पक्राउ परे । प्रादेशिक अस्पतालमा उनीहरुको स्वास्थ्य जाँचका साथै कोरोना परिक्षणका लागि समेत पक्रिया सुरु गरिएको छ । उनीहरुको स्वाब संकलन समेत गर्ने र कोरोना भए नभएको परिक्षण गरिने प्रहरी स्रोतको भनाई छ । प्रारम्भिक चरणमा उनीहरुसंग सोधपुछ गरिएको र थप अनुसन्धान भइरहेको छ । यस्तो छ एसपी खवरका संवाददाता संजय साहको क्यामेरामा कैद भएको केहि तस्वीरहरु ।
