एसपी रिपोर्टर
जनकपुरधाम, बैशाख ६ : सर्लाहीमा ¥यापिड डायग्नोष्टिक टेस्ट (आरडीटी) गर्दा एक जनामा कोरोनाको संक्रमण देखिएपछि थप परिक्षणका लागि जनकपुरधाम प्रादेशिक अस्पतालमा ल्याइएको छ । सर्लाहीको क्वारेन्टाइनमा रहेका ६५ जनामा गरिएको ¥यापिड टेस्टमा एकजना १४ वर्षिय बालकमा पोजेटिभ देखिएको हो ।
सर्लाहीको धनकौल गाउँपालिकाको क्वारेन्टाइनमा रहेका उनलाई शुक्रबार साँझ आरडीटी परीक्षण गर्दा पोजेटिभ देखिएको सर्लाहीका प्रमुख जिल्ला अधिकारी मोहनबहादुर जिसीले पुष्टि गरे । कोरोना पोजेटिभ देखिएका बालकको थप परीक्षणका लागि प्रादेशिक अस्पताल जनकपुरमा पठाइएको प्रजिअ जिसीले बताए । जनकपुरधाम प्रादेशिक अस्पताल स्रोतका अनुसार बालकको परिक्षण जनकपुरधाम स्थित पिसिआर मेशिनका साथै स्वाब संकलन गरि काठमाण्डौं समेत पठाउने तयारी भइरहेको छ ।
बालकसँगै क्वारेन्टाइनमा रहेका एक अर्का व्यक्तिलाई ¥यापिड टेस्टमा नेगेटिभ देखिए पनि थप परीक्षणका लागि उनलाई पनि जनकपुरधाम ल्याएको छ । कोरोना पोजेटिभ देखिएका ती बालक चैत २३ गते भारतको राजधानी दिल्लीबाट आफ्नो गाउँ धनकौल आएका थिए । भारतबाट आएको जानकारी सुरक्षाकर्मीलाई थाहा भएपछि ती बालकलाई आफ्नो घर नपुग्दै क्वारेन्टाइनमा राखिएको थियो ।
