एसपी रिपोर्टर
जनकपुरधाम, चैत २१ : मुख्यमन्त्री लालबाबु राउतको नेतृत्वमा रहेको कोरोना महामारी नियन्त्रण निर्देशक समितिले प्रदेशमा सम्भावित महामारी नियन्त्रणका लागि आवश्यक नीति निर्माण गर्ने जिम्मा सम्बन्धित विज्ञहरुलाई दिएको छ । निर्देशक समितिले हिजो मात्र गठन गरेको स्वास्थ्य सल्लाहकार समिति संग शुक्रवार गरेको बैठकमा मुख्यमन्त्री राउतले महामारी नियन्त्रणको लागि सरकारले गर्नुपर्ने कार्यहरुको तथ्यगत सूचि सहितको नीति निर्माण गर्ने जिम्मेवारी दिइएको पुर्व स्वास्थ्य राज्यमन्त्री समेत रहेका समाजवादी पार्टीका नेता डा. सुरेन्द्र यादवले बताए ।
सल्लाहकार समितिलाई सम्बन्धित विज्ञहरुसंगको सल्लाहमा नीति बनाएर प्रदेश सरकारलाई यथाशिघ्र उपलब्ध गराउन आग्रह गरिएको उनको भनाई छ । बैठकमा मुख्यमन्त्रीको नेतृत्वमा रहेको निर्देशक समिति, प्रमुख सचिवको नेतृत्वमा रहेको कार्यकारी समिति र स्वास्थ्य सल्लाहकार समितिका सदस्यहरुको उपस्थिति रहेको थियो ।
सल्लाहकार समितिमा डा. राम केवल साह, डा. सुरेन्द्र यादव, डा. प्रविण मिश्र, डा. काशिकान्त झा, डा. विजय कुमार सिंह, डा. गरिब दास ठाकृुर, डा. जेके लाल रहेका छन् । सल्लाहकार समितिले आजै बाट कार्य प्रारम्भ गरेर यथाशिघ्र आफना सुझावहरु सरकारलाई बुझाउने सल्लाहकार समितिका अर्का सदस्य डा. राम केवल साहले बताए । उनले प्रादेशिक अस्पतालमा सुरु भएको कोरोना परिक्षण व्यवस्थित र भरपर्दो बनाउन आवयश्क रहेको बताए ।
भिडियो समाचार
