सविना मानन्धर
बाँपीझ्याला, दोलखा, साउन ३० : दोलखा जिल्लामा पनि कोरोनाको संक्रमण फेला परेपछि त्यहाँ स्थित प्रसिद्व धार्मिक तथा एतिहाँसिक भिमेश्वर मन्दिर सर्वसाधारणका लागि बन्द गरिएको छ ।
जिल्लामा कोरोना पोजेटिभको केश देखिएकोले सोको सतर्कता तथा दर्शनार्थीहरूको अत्याधिक आवागमनलाई मध्यनजर गर्दै संक्रमणबाट बच्न र बचाउनको लागि २०७७ श्रावण २९ गते देखी प्रसिद्व भिमेश्वर मन्दिरको मुलद्वार सर्बसाधारणका लागि अर्को निर्णय नभए सम्मका लागि बन्द गरिने जनाइएको छ । यद्यपि भिमेश्वरमा हुने नियमित पुजा भने यथावत रहेने जानकारी भिमेश्वर नगरपालिका वडा नं. २ का वडाध्यक्ष विराजमान श्रेष्ठज्युले जानकारी गराएका छन् ।
