एसपी रिपोर्टर
जनकपुरधाम, जेठ ९ : धनुषा प्रहरीले जुवाको रुपमा तास खेलि रहेका पाँचजनालाई पक्राउ गरेको छ । शुक्रवार दिउँसो २ बजेको समयमा जनकपुरधाम उपमहानगरपालिका वडा नं. ९ पिडारी चौक स्थित रहेको जानकि वाटिकाको गेष्टहाउस भित्र तास खेलिरहेको अवस्थामा पाचजना पुरुष सहित २ लाख ७ हजार पँचसय ८५ रुपैया सहित पक्राउ गरिएको छ ।
गोप्य सुचनाका आधारमा जिल्ला प्रहरी कार्यालयवाट खटेको टोलिले जुवाको रुपमा तास खेलिरहेको धनुषा मिथिला बिहारी नगरपालिका वडा नं. ७ बस्ने बर्ष ५६ को किशोरी साह, जनकपुरधाम उपमहानगरपालिका वडा नं. ८ बस्ने बर्ष ५५ को बिल्टु बरही र वडा नं. १३ का तिनजना क्रमश बर्ष ३५ को मोसतकिङ राईन, बर्ष ४७ को जसिन कवाडि र बर्ष ३४ को रमेश साहुलाई पक्राउ गरेको हो ।
कोरोना महामारी र लकडाउनका बिच सामुहिक रुपमा जम्मा भएर तास खेल्दै गरेको अवस्थामा नगद दुई लाख सात हजार पाच सय पचासि सहित पक्राउ परेका उनीहरुका विषयमा थप अनुसन्धान भइरहेको धनुषा प्रहरीले जनाएको छ ।
