मुखियाले जिते कायापलट अफरमा शतप्रशित कैशबैक

एसपी रिपोर्टर
जनकपुरधाम, असोज ९ : जगदम्बा मोटर्सले चाडपर्व लक्षित गरी चलाएको कायापलट अफर अन्तर्गत एकजनाले शतप्रतिशत कैश बैक प्राप्त गर्न सफल भएका छन् ।
टिभिएसको १२५ सीसीको राइडर मोटर साइकल खरिद गरेका धनुषाको शहीदनगर नगरपालिका वडा नम्बर ९ गोठ कोयरपुरका राजदेव मुखियाले कायापलट अन्तर्गत शतप्रशित कैश पुरस्कार जितेका हुन् । मुखियाले गत भदौ महिनाको अन्तिम सातामा मात्रै २ लाख ५६ हजार ९ सय पर्ने राइडर मोडर साइकल जनकपुरधामको आर्यन औटो मोबाइल्सबाट खरिद गरेका थिए । मुखियाले गत मंगलबार मात्रै सो उपहार जित्न सफल भएका छन् ।
कायापलट अफर अन्तर्गत शतप्रशित कैशबैक जितेका मुखियालाई २ लाख ५६ हजार ९ सयको चेक आर्यन औटो मोबाइल्सका संचालक संजीव महतो र जनकपुर उद्योग वाणिज्य संघका अध्यक्ष जितेन्द्र महासेठले संयुक्त रुपमा हस्तान्तरण गरेका थिए ।
कायापलट अफर अन्तर्गत नकिन्दै १ लाखसम्म जित्ने मौका, किन्दा १० लाखसम्म जित्ने मौका, हरेक दिन रियलमी सी ३० स्मार्ट फोन, हरेक हप्ता शतप्रतिशत कैशबैक र बम्पर उपहार ५० लाखको योजना राखिएको छ ।