एसपी रिपोर्टर
जनकपुरधाम, वैशाख १९ : श्री जानकी मन्दिरका सहायक महन्थ रामरोशन दासको कारण जनकपुरधामवासी असमञ्जसमा परेका छन । कोरोना भाइरसको महामारीको डर भय त्रास र त्यसवाट बच्नका लागि लागु गरिएको लक डाउनका बिच जानकी नवमीमा परेको र सहायक महन्थले जनकपुरधामवासीलाई यर्थात बुझाउन नसक्दा स्थानिय दोधारमा परेका हुन ।
जनकपुरधाममा सवै भन्दा बढी प्रयोग हुने जानकी भितेपात्रो सहित सवै पात्रोमा जानकी नवमी २० गते मनाइने उल्लेख छ तर एकाएक १९ गते मनाइयो । अधिकांशलाई थाहा पनि भएन । फेसबुकमा दैनिक दर्जनौ पोष्टहरु गर्ने सहायक महन्थ दासले १९ गते मनाउने विषयमा कुनै सुचना र सन्देश जारी गर्न सकेन । जसकारण अधिकांशले शुक्रवार कि शनिवार जानकी नवमी मनाउनेमा दोधारमा परेका हुन ।
गत अप्रिल २५ तारिख अर्थात वैशाख १० गते सहायक महन्थ दासले पुर्व सुचना जारी गरे अनुसार वेलुकी चार बजेर फेसुबुकमा लाइभ आए र वैशाख २० गते जानकी नवमी मनाउने बताए । केहि पत्रकारलाई समेत बोलाएर फेसबुक लाईभमा आएका सहायक महन्थ दासले २० गते वैशाख शुक्ल नवमीका दिन जानकी नवमी मनाउने भन्दै १२ गते देखि २० गते सम्म ९ दिन घरघरमै साँझ ७ बजे जानकी आरती गर्न आग्रह गरे ।
तर आज वैशाख १९ गते नै जानकी जन्मोत्सव मनाइएपछि नगरवासी असमञ्जसमा परेका हुन । सहायक महन्थ दासले नै पोष्ट गरेको हिन्दु विश्व हिन्दु परिषदको विज्ञप्तीमा समेत २० गते साँझ ७ बजे विशेष आरती र पुजापाठ तथा दिपोत्सव सहितका धार्मिक गतिविधी गर्न अग्र्रह गरिएको देखिन्छ ।
अनेकन कार्यका लागि तस्वीर, अडियो र भिडियो समाग्री बनाउन सक्ने महन्थले कुन तिथि वा १९ गते नै जन्मोत्सव मनाउने कारण सहितको सन्देश सोहि फेसबुकमा किन प्रवाह गर्न सकेन ? नगरवासीकोे प्रश्न छ । यस त्रुटीका कारण शुक्रवार घर घरमा पनि जन्मोत्सवको रौनकतामा कमी देखिएको छ । जगत जननी माता जानकीको जन्मोत्सव र विशेष पुजा आराधना उचित समय र उतम तिथिमा हुनु राम्रो हो तर त्यसको सहि सुचना नगरवासीलाई बुझाउन नसक्नु कमजोरी भएकै हो ।
एति मात्र होइन मन्दिरमा शुक्रवार केक काटेको र महन्थको अन्य केहि तस्वीर फेसबुकमा राखिएपछि त्यसको व्यापक विरोध समेत भइरहेको छ । स्थानिय, पत्रकार मात्र नभई स्वयम साधु सन्त र पुरोहितहरुले समेत सहायक महन्थ दासले केक बोकेको तस्वीरमा आक्रोस सहितको टिप्पनी गरेको देखिन्छ । यसरी जनकपुरधाम मात्र नभई विश्वको आस्थाको केन्द्र संग जोडिएको मन्दिरको प्रशासन र महन्थहरुले गम्भिरता पुर्वक कुनै पनि कदम चाल्नु पर्दछ ।
समाजिक सञ्जालमा त झन अनावयश्क तस्वीर र सुचना सन्देशहरु मन्दिरको आधिकारिक बनाएर मात्र आधिकारिक स्तरवाट मात्र राख्न दिनुपर्दछ । समाजिक सञ्जालमा अहिले जो कोहिले पनि मन्दिर संग सम्बन्धित सुचना सन्देशहरु हाल्ने गरेको पाइन्छ । तसर्थ यसप्रति सजग हुन आवयश्क छ । झन महन्थ जस्तो गरिमामय पदमा आसिन साधु सन्त महात्माले यस्ता कार्यमा झनै गम्भिरता देखाउन आवयश्क छ । देश भरि मनाइने जानकी नवमी देशका अन्य भागमा शुक्रवार नै मनाइरहेको समाचारहरु पनि आएको देखिदैन ।
