एसपी रिपोर्टर
जनकपुरधाम, असोज २३ : मैथिल ब्राहमण युवा संघको तदर्थ समिति गठन गरिएको छ । प्रदेश २ को आठ वटै जिल्लाहरुमा युवा सञ्जाल विस्तारका लागि भन्दै शुक्रवार बसेको मैथिली ब्राहमण युवा संघको वृहत बैठकले जानकी रमण झाको अध्यक्षतामा एक तर्दथ समिति र धनुषामा युवा सञ्जाल विस्तारका लागि ५ सदस्सीय तर्दथ अध्यक्ष मण्डलको चयन गरिएको समेत बताइएको छ ।
मैथिल ब्राह्मण महासभा अन्तर्गत गठित मैथिल ब्राह्मण युवा संघको विस्तार र संगठन निर्माणका लागि चयन भएको बताइएको छ । मैथिल भवन बेला कुट्टी जनकपुरधाममा बसेको वृहत बैठकवाट धनुषाका लागि चयन भएको ५ सदस्यीय तदर्थ अध्यक्ष मण्डलमा मिथिलेश कुमार झा, नवल कान्त मिश्र, भवन झा, नविन कुमार झा र प्रशान्त कुमार झा रहेको मैथिली ब्राहमण महासभाका अध्यक्ष भगवान झाले बताए ।
बैठकमा १ सय ५१ अगुवा युवाहरु सहित समुदायका अगुवाहरुको सहभागिता रहेको थियो । आगामी ४ महीनामा सदस्यता वितरण पछि पुनः वृहत बैठक बसेर स्थायी कमिटीहरु चयन हुने झाले बताए ।
