एसपी रिपोर्टर
जनकपुरधाम, साउन १६ : जनकपुरधाम स्थित एक क्याफेमा राती केटिलाई जिस्काएको आरोपमा पक्राउ परेका जसपाका संघिय परिषद सदस्य युवा नेता नविन यादवले आफुलाई अनाहकमा विभिन्न आरोप लगाएर थुनामा राख्ने काम भएको बताएका छन् ।
विहिवार रिहा भएका यादवले एसपी खवरसंगको कुराकानीमा क्याफेमा विवाद भएको खवर साथीको फोनमा आएको र उनीसंगै क्याफे गएपछि विवाद समाधान गर्ने क्रममा समान्य तोडफोड मात्र भएको घटनामा तुरन्त प्रहरी आएर जिल्ला प्रहरी लगिएको र त्यसपछि मात्र विभिन्न आरोपहरु थपेर जसरी पनि थुनामा राख्ने षडयन्त्र गरिएको बताए ।
उनले पत्रकार सम्मेलन गरि सवै कुरा वाहिर ल्याउने समेत बताए । मेडिकल माफिया सहित जनकपुरधाममा विभिन्न प्रसंगमा आफुले आवाज उठाउँदा त्यसकै निहुँमा विभिन्न आरोप खेप्नु परेको बताए । बरु आफुले दुवैजना युवतीलाई एती राती किन यहाँ बसेको ? भन्दै सम्झाएको उनले बताए ।
